U Minsku adkryŭsia filijał Nacyjanalnaha mastackaha muzieja
Filijał Nacyjanalnaha mastackaha muzieja adkryŭsia ŭ Minsku na praśpiekcie Niezaležnaści, 47. Ciapier tam pradstaŭlenaja ekspazicyja z muziejnaha zboru pad nazvaj «Vybranaje: žyvapis, hrafika, skulptura». Da 20 vieraśnia ŭklučna naviedać novuju prastoru možna biaspłatna.
Skrynšot ź videa «Pieršaha infarmacyjnaha»
Jak paviedamiła hienieralnaja dyrektarka Nacyjanalnaha mastackaha muzieja Iryna Maciac, u filijale buduć nie tolki ładzić vystavy, ale i pravodzić lekcyi.
Filijał adkryŭsia ŭ Dzień horada ŭ miežach štohadovaj akcyi muzieja «Vieraśnioŭskaja noč». U pieršy dzień architektarka Halina Levina pračytała lekcyju pra svajho baćku — viadomaha minskaha architektara Leanida Levina. U 1990‑ia hady na miescy novaha filijała znachodzilisia jaho majsterni.
Z nahody adkryćcia taksama adbyŭsia kancert — pierad naviedvalnikami vystupiŭ duet vijałančeli i fartepijana.
Raniej u hetym budynku raźmiaščaŭsia Nacyjanalny centr sučasnych mastactvaŭ, jaki paźniej likvidavali pavodle pastanovy ŭrada Biełarusi.
Čytajcie taksama:
U fond Muzieja Marka Šahała ŭ Viciebsku ŭpieršyniu pastupili raboty Vosipa Cadkina
Sabrali hrošy na restaŭracyju redkaha muzyčnaha instrumienta Łošyckaj siadziby
Kala Mirskaha zamka adbudujuć źniščany pałac Śviatapołk-Mirskich. U im raźmieścicca hatel
Stała viadoma, kali spynić pracu Nacyjanalny centr sučasnych mastactvaŭ