U fond Muzieja Marka Šahała ŭ Viciebsku ŭpieršyniu pastupili raboty Vosipa Cadkina
Kalekcyja Muzieja Marka Šahała ŭ Viciebsku ŭpieršyniu papoŭniłasia tryma hrafičnymi tvorami viadomaha skulptara i mastaka-hrafika XX stahodździa Vosipa Cadkina (1890-1967). Pra heta paviedamiła dyrektarka muzieja Iryna Voranava, piša BiełTA.
Vosip Cadkin naradziŭsia ŭ Viciebsku. Padčas vučoby ŭ haradskim čatyrochkłasnym vučyliščy jon dva hady vučyŭsia ŭ adnym kłasie z Markam Šahałam. Jaho nastaŭnikam byŭ viadomy viciebski mastak Juryj Pen. Jak i Šahał, Cadkin paźniej žyŭ u paryžskim «Vulli» — znakamitym domie-kamunie dla mastakoŭ, dzie paznajomiŭsia ź idejami avanhardyzmu.
Cadkin staŭ viadomy pierš za ŭsio jak skulptar. Jaho manumientalnyja raboty znachodziacca ŭ bujnych haradach roznych krain, a kubistyčnyja i postkubistyčnyja skulptury zachoŭvajucca ŭ viadučych muziejach śvietu. Pry hetym mastak šmat pracavaŭ i ŭ stankovaj dy drukavanaj hraficy.
U viciebski muziej pastupili dźvie jaho litahrafii i adna linarytnaja hraviura. Litahrafija «Krycki byk» 1960 hoda ŭvachodzić u sieryju «Podźvihi Hierakła». Jana była nadrukavanaja na hładkaj ščylnaj vielenievaj papiery nakładam 350 asobnikaŭ u niamieckim vydaviectvie ŭ Kiolnie. Muziej atrymaŭ 104‑y adbitak z ałoŭkavym podpisam aŭtara.
Druhaja litahrafija — «Akrabat», stvoranaja ŭ 1965 hodzie. Jana taksama nadrukavanaja na vielenievaj papiery, ale nakład jaje skłaŭ 150 asobnikaŭ. U kalekcyju Muzieja Marka Šahała pastupiŭ 135‑ty adbitak, taksama z podpisam mastaka.
Linaryt «Biez nazvy» datujecca 1938 hodam. Cadkin vykanaŭ jaho dla mastackaha časopisa «XX stahodździe». Rabota maje inicyjały mastaka, naniesienyja niepasredna na drukavanuju formu.
Pa słovach Iryny Voranavaj, usie try tvory pastupili ŭ muziej u dobrym stanie i amal nie patrabujuć restaŭracyi. Ciapier jany prachodziać nieabchodnaje dakumientalnaje afarmleńnie, paśla čaho ich płanujuć pakazvać na źmiennych vystavach u Art-centry Marka Šahała.
Dyrektarka muzieja adznačyła, što heta pieršyja tvory Cadkina ŭ kalekcyi ŭstanovy. U Biełarusi jaho spadčyna pradstaŭlenaja nie vielmi šyroka, tamu muziej ličyć vialikaj udačaj mahčymaść zachoŭvać redkija hrafičnyja raboty znakamitaha ziemlaka. Try tvory Cadkina pieradaŭ muzieju jaho siabar i miecenat, jaki pažadaŭ zastacca nieviadomym.
U Francyi znoŭ abvastryłasia sprečka vakoł karciny Marka Šahała pad stollu Paryžskaj opiery
Karcinu Šahała vystavili na aŭkcyjon bolš čym za $4 miljony
Bramnik futbolnaha kłuba «Viciebsk» ździviŭ haradžan niezvyčajnym padabienstvam da Marka Šahała FOTA
U Francyi paśla 20 hadoŭ zabyćcia vystavili pracu Marka Šahała
«Nad horadam» Šahała pryvieźli ŭ jaho rodny Viciebsk
U Viciebsku pradali budynak byłoha chiedara, dzie vučyŭsia Mark Šahał
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1414
Kamientary