Kab znajści hrošy na ramont kaścioła ŭ Rečycy, na aŭkcyjon vystavili karcinu

Na placoŭcy dla praviadzieńnia aŭkcyjonaŭ źjaviŭsia dabračynny łot: naciurmort. Pryznačeńnie atrymanych za prodaž hrošaj nie zusim zvyčajnaje, piša Katolik.life.

U apisańni łota havorycca, što atrymanyja srodki ad prodažu karciny pojduć na ramont katalickaha chrama Najśviaciejšaj Trojcy ŭ Rečycy Homielskaj vobłaści:

«Za vaša achviaravańnie vy atrymajecie nie tolki pryhožuju karcinu dla doma, ale i ščyruju padziaku viernikaŭ, a taksama Božaje dabrasłavieńnie».

Taksama paznačany rachunak parafii, na jaki možna achviaravać srodki. Pačatkovy košt łota — 250 rubloŭ. Mahčymaja pierasyłka karciny ŭ miežach Biełarusi.

U kaściole patrabuje ramontu sakrystyja — tut jašče zimoj prarvała trubu i zaliło ścieny. Parafija ŭ Rečycy nievialikaja, srodki sabrać niaprosta, tamu vierniki vyrašyli pasprabavać pradać karcinu.

Jaje aŭtarka — viadomaja rečyckaja mastačka-piejzažystka, majstar naciurmortu i tekstylnaha malunku Nina Fiaśkova.

Kamientary da artykuła