Zahinuŭ hienierał, jakomu tolki paŭmiesiaca tamu dali Hieroja Rasii. Hety 17‑y zabity rasijski hienierał. Ukraina nie straciła nivodnaha 

Źjavilisia źviestki pra śmierć rasijskaha hienierał-majora Antona Hrunisa, jaki kamandavaŭ 4‑j motastrałkovaj bryhadaj 2‑ha armiejskaha korpusa Rasii. 

Anton Hrunis daje kamientaryj prapahandystam paśla atrymańnia zorki hieroja 29 žniŭnia 2026 hoda

Hetu infarmacyju paćviardžajuć u tym liku i rasijskija pravajennyja krynicy. Jašče da pačatku poŭnamaštabnaha ŭvarvańnia Rasii va Ukrainu Hrunis udzielničaŭ u ahresii suprać Ukrainy, u tym liku ŭ akupacyi Kryma ŭ 2014 hodzie.

Anton Hrunis naradziŭsia 5 kastryčnika 1979 hoda. Vajskovuju adukacyju jon atrymaŭ u Kazanskim suvoraŭskim vajskovym vučyliščy i Maskoŭskim vyšejšym ahulnavajskovym kamandnym vučyliščy.

U 2014 hodzie Hrunis udzielničaŭ u akupacyi ŭkrainskaha Kryma. Paźniej jon słužyŭ u 18‑j asobnaj motastrałkovaj bryhadzie Uzbrojenych sił RF, dzie kamandavaŭ motastrałkovym bataljonam.

Paśla hetaha Hrunis staŭ kamandziram 4‑j motastrałkovaj bryhady 2‑ha armiejskaha korpusa. 6 maja 2024 hoda rasijskija prapahandysckija resursy paviedamili pra prysvajeńnie jamu zvańnia hienierał-majora.

U žniŭni 2026 hoda Hrunisa taksama zhadvali ŭ suviazi z prysvajeńniem zvańnia «Hieroj Rasii». Pavodle hetych paviedamleńniaŭ, uznaharodu jon atrymaŭ 29 žniŭnia nibyta za ŭdzieł u zachopie ŭkrainskaj Kanstancinaŭki.

Hety 17‑y rasijski hienierał, jaki zahinuŭ na impieryjalistyčnaj vajnie. Ukraina nie straciła nivodnaha hienierała. 

Kamientary da artykuła