Zahinuŭ administratar viadomaha Z-kanała, u jakim smakujuć rasijskija ŭdary pa cyvilnych abjektach
U Rasii paviedamili pra hibiel adnaho z administrataraŭ Z-kanała «Ot Mariupola do Karpat», jaki staŭ viadomy publikacyjami videa z udarami rasijskich bieśpiłotnikaŭ pa mirnych žycharach i cyvilnaj infrastruktury Chiersonskaj vobłaści, piša telehram-kanał Astra.
Paviedamleńnie pra śmierć źjaviłasia 10 červienia ŭ samim kanale, źviazanym z padraździaleńniem «Eskadron» 18‑j ahulnavajskovaj armii RF. Aŭtary napisali, što stracili svajho paplečnika, adnak nie nazvali jaho imia i abstaviny hibieli.
Pavodle paviedamleńniaŭ u kamientaryjach i infarmacyi ŚMI, zahinułym moža być Alaksandr Šaptura — tak zvany namieśnik ministra ŭnutranych spraŭ «DNR» i kiraŭnik upraŭleńnia pa baraćbie z arhanizavanaj złačynnaściu. Jon taksama ŭdzielničaŭ u bajavych dziejańniach suprać Ukrainy na chiersonskim napramku.
Imia Šaptury raniej zhadvałasia ŭ materyjałach prakuratury Danieckaj vobłaści, dzie jaho źviazvali z vykradańniami i katavańniami ludziej na akupavanaj terytoryi. U 2023 hodzie Uładzimir Pucin prysvoiŭ jamu zvańnie hienierał-majora palicyi.
Napiaredadni kanał «Ot Mariupola do Karpat» apublikavaŭ videa, na jakim bieśpiłotnik skidaje bojeprypas na piešachoda ŭ Chiersonie. Aŭtary supravadžali kadry zajavaj, što mienavita jany vyrašajuć, «kamu možna chadzić pa ziamli ruskaj, a kamu zdochnuć pad płotam».
Raniej kanał taksama raźmiaščaŭ videa ataki dronaŭ pa aŭtamabilach misii AAN u Chiersonie, paśla čaho vydaliŭ publikacyju. U inšych dopisach aŭtary nazyvali zakonnymi celami cyvilny transpart, kramy i rynki na terytoryi horada.
Abstaviny śmierci administratara kanała na hety momant aficyjna nie raskryvajucca.
Rasijskija vajskoŭcy śviadoma atakujuć aŭtamabili humanitarnaj misii AAN i jašče hetym chvalacca
Z-błohier «Vajavoda viaščaje» sa 170 tysiačami padpisčykaŭ paabiacaŭ skončyć žyćcio samahubstvam. Ale, zdajecca, vyžyŭ
Rasijski palityk zahinuŭ na vajnie praz 10 dzion paśla padpisańnia kantrakta, navat nie dajechaŭšy da frontu
Z-błohiera, jaki niečakana zaklikaŭ addać Pucina pad sud, adpravili ŭ psichbalnicu
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary