Abvieščany ekstranny zbor dla novaj partyi vyzvalenych palitviaźniaŭ
Siońnia na volu vyjšli 25 čałaviek. «Bajsoł» adkryŭ ekstranny zbor u ich padtrymku.
«Vyzvaleńnie nie admianiaje nastupstvaŭ represij — turma praciahvajecca ŭ biessani, tryvozie, razburanym zdaroŭi, niemahčymaści znajści pracu i viarnucca da narmalnaha žyćcia. Ludzi vychodziać na volu z padarvanym zdaroŭjem, stresam, dezaryjentacyjaj, stračanymi suviaziami i biez razumieńnia, što rabić dalej. Amal usim treba nanova naładžvać žyćcio — adnaŭlać dakumienty, prachodzić lačeńnie, šukać žyllo i pracu, kuplać samyja nieabchodnyja rečy», — piša «Bajsoł».
Meta zboru — vypłacić minimum pa €1000 kožnamu čałavieku ŭ ramkach prahramy padtrymki palitźniavolenych i vyzvalenych. Ahułam treba sabrać 25 tysiač jeŭra.
Dapamahčy praz «Bajsoł».
Čytajcie taksama:
Na svabodzie Pavieł Biełavus, zasnavalnik kultavaj kramy Symbal.by