Viačorka: Nie taja ličba, jakaja anansavałasia, ale dumaju, što heta jašče nie kaniec

Hałoŭny daradca Śviatłany Cichanoŭskaj Franak Viačorka ŭ efiry «Radyjo Svaboda» prakamientavaŭ siońniašniaje vyzvaleńnie 25‑ci biełaruskich palitviaźniaŭ.

Franak Viačorka. Fota: Lookby.media

«Džon Koŭł zrabiŭ, jak zvyčajna, vydatnuju pracu. Nie taja ličba, jakaja anansavałasia, ale, ja dumaju, heta jašče nie kaniec. Sam Džon Koŭł tłumačyŭ, što jość peŭnyja ŭmovy z boku Mienska, kab vyzvalić ludziej. I najbližejšyja dni, tydni stanie jasna bolš.

Mahčyma, heta źviazana z umovami Łukašenki pra razbłakavańnie finansavych srodkaŭ, aktyvaŭ. Moža być źviazana ź niekatorymi sankcyjnymi pradpryjemstvami. Jasna, što Łukašenka zaŭždy choča pakinuć za saboj apošniaje słova — pamianiać śpisy, nie dać, što abiacaŭ. 

Amierykanskaja delehacyja jechała z peŭnymi čakańniami i damoŭlenaściami. Hety praces praciahniecca. Praciahvajem być na suviazi z amierykancami. Jany robiać heta dla nas. Jany vyzvalajuć našych ludziej. Toje, što heta stała pryjarytetam amierykanskaj administracyi — zasłuha i pravaabaroncaŭ, i žurnalistaŭ, i demakratyčnych siłaŭ», — adznačyŭ Franak Viačorka.

Kamientary da artykuła