Viačorka: Cichanoŭskaja z Koŭłam abmiarkoŭvała varyjant z amnistyjaj, pry jakoj nie adkryvajucca novyja spravy i spyniajucca minułyja
«My prapanujem u ramkach patencyjnaj deeskałacyi, kab była abvieščanaja ŭsieahulnaja palityčnaja amnistyja, jak u toj ža Vieniesuele».
Kamientujučy viartańnie byłoha palitviaźnia Andžeja Pačobuta ŭ Biełaruś, daradca Cichanoŭskaj Franak Viačorka padkreślivaje ŭ razmovie z DW Biełaruś, što heta važny precedent, ale pakul vyklučeńnie z praviłaŭ.
Jon adznačyŭ, što biełarusam važna mieć harantyi biaśpiečnaha viartańnia na radzimu. Adnoj ź ich mahła b stać usieahulnaja palityčnaja amnistyja.
«My prapanujem u ramkach patencyjnaj deeskałacyi, kab była abvieščanaja ŭsieahulnaja palityčnaja amnistyja, jak u toj ža Vieniesuele. Śviatłana Cichanoŭskaja z Džonam Koŭłam abmiarkoŭvała varyjant z amnistyjaj, pry jakoj nie adkryvajucca novyja spravy, spyniajucca minułyja spravy, reabilitujucca abo chacia b zakryvajucca spravy tych, chto ŭžo siadzieŭ.
Ciapier ludzi jeduć u Biełaruś, časta nie viedajučy, ci jość na ich kryminalnyja spravy. Režym hetuju infarmacyju chavaje. A kali budzie ŭsieahulnaja amnistyja i prypynieńnie adkryćcia lubych spraŭ — heta ŭsie adčujuć. Heta mahło b stvaryć umovy, kab ludzi pastupova mahli viartacca nazad. Heta naša meta, naša zadača, da jakoj my idziem i jakuju prahavorvajem u tym liku z amierykancami i ź jeŭrapiejcami. My havorym, što sankcyi nielha zdymać, pakul my nie ŭbačym sistemnych źmien», — kaža Franak Viačorka.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Franak iznoŭ durnia ŭklučaje. Ci chiba jon nie viedaje, što ŭ Vieniesuele tamtejšaha Padre spačatku skrali dy za kraty kinuli?