Dvuch žycharoŭ Mazyra asudzili na 16 hadoŭ za zabojstva 22-hadovaj daŭniny
Homielski abłasny sud vynies abvinavaŭčy prysud 72-hadovamu i 56-hadovamu mužčynam.
Jany pryznanyja vinavatymi ŭ zabojstvie z asablivaj žorstkaściu, učynienym hrupaj asob (p.6 i p. 15 č. 2 art. 139 Kryminalnaha kodeksa). Jany asudžanyja kožny na 16 hadoŭ z adbyvańniem u papraŭčaj kałonii va ŭmovach uzmocnienaha režymu. Akramia taho, sud spahnaŭ z abvinavačanych u salidarnym paradku na karyść žonki zahinułaha hrašovuju kampiensacyju maralnaj škody 10 tysiač rubloŭ.
Zabojstva adbyłosia ŭ sakaviku 2003 hoda. Pavodle viersii abvinavačvańnia mužčyn z zabitym raśpivali śpirtnyja napoi ŭ bytavym vahončyku na terytoryi AAT «Naftazavodmantaž». Uźnik kanflikt. Abvinavačanyja pačali źbivać znajomaha ŭ vahončyku, a zatym vyvałakli paciarpiełaha na vulicu.
Jany nanieśli znajomamu nie mienš za 66 udaraŭ hałavoj, rukami i nahami pa roznych častkach cieła, pieravažna ŭ žyćciova važnyja orhany. Dalej jany nie akazali jamu dapamohu i, «viedajučy ab niespryjalnych umovach nadvorja i nizkich tempieraturach nočču, pakinuli jaho na vulicy, žadajučy nastupleńnia śmierci. U vyniku mužčyna atrymaŭ abmaražeńnie palcaŭ noh i ruk», — raspaviali ŭ prakuratury.
Mužčynu znajšli i dastavili ŭ balnicu, dzie jon pamior. Abvinavačanyja nie pryznali vinu. Taksama ŭ prakuratury nie ŭkazali, čamu zabojstva było raskryta tolki praz bolš čym 20 hadoŭ.
Ciapier čytajuć
Jak skłaŭsia los pałkoŭnika Łosieva, jaki pakryvaŭ bandu marozaŭcaŭ i atrymaŭ 18 hadoŭ kałonii2
Kamientary