U Breście ŭ vieraśni zaćviła akacyja FOTAFAKT

U Breście ŭ siaredzinie vieraśnia druhi raz za hod zaćviła akacyja. Zvyčajna heta dreva ćvicie ŭ kancy maja — pačatku červienia, piša Tochka.by.

Fota: zhanna.silvestrova / Threads

Niezvyčajnuju źjavu zaŭvažyła miascovaja žycharka Žana ŭ mikrarajonie Uschod na Hrodzienskaj vulicy i sfatahrafavała dreva. Jana adznačyła, što apošnim časam u Biełarusi raśliny nibyta «błytajucca» z porami hoda: raniej u Breście paŭtorna zaćvitali kaštany i bez.

Pryčynaj hetaj źjavy, jak ličać śpiecyjalisty, mahło stać anamalnaje nadvorje. Uviesnu, kali raśliny pavinny byli aktyŭna raźvivacca i ćviści, ustalavalisia śpioka i zasucha. Praź niastaču vilhaci častka pupyšak pierajšła ŭ stan spakoju.

Kali paźniej umovy nadvorja palepšylisia, hetyja pupyški «pračnulisia» i pačali raźvivacca, ale ŭžo sa značnym spaźnieńniem. Tamu niekatoryja drevy i zaćvitajuć paŭtorna vosieńniu.

Na niezvyčajny rytm raślin mohuć upłyvać i haradskija ŭmovy. Asfalt i bieton nazapašvajuć i addajuć ciapło, tamu ŭ horadzie drevy znachodziacca ŭ inšym tempieraturnym asiarodździ, čym u pryrodzie.

Kamientary da artykuła