U Horackim rajonie ŭ viosku pryjšli vaŭki FOTY
U viosku Anikavičy Horackaha rajona dniami pryjšli vaŭki. Źjaŭleńnie žyvioł zaŭvažyŭ miascovy žychar, paśla čaho da situacyi apieratyŭna padklučylisia palaŭničyja i jehierskaja słužba Horackaha lashasa, piša telehram-kanał «Lesnyje novosti Mohilevŝiny».
Troch vaŭkoŭ udałosia adsačyć i zastrelić.
Pa słovach inžyniera palaŭničaj haspadarki Dzianisa Jelisiejeva, dla vosieni takija vypadki nie źjaŭlajucca redkaściu. U hety čas maładyja vaŭki pačynajuć asvojvać novyja terytoryi i mohuć prajaŭlać pavyšanuju cikaŭnaść.
Śpiecyjalisty rajać žycharam pry źjaŭleńni vaŭkoŭ pablizu nasielenych punktaŭ jak maha chutčej paviedamlać pra heta palaŭničym abo jehierskaj słužbie. Heta dazvalaje svoječasova adreahavać i źnizić ryzyku dla ludziej i sielskaj haspadarki.
Čytajcie taksama:
U Aŭstryi fiermier znajšoŭ sposab, jak abaraniać aviečak ad vaŭkoŭ. Jaho nie ŭsie acanili
Pamior znakamity ispanski «chłopčyk-voŭk», jaki vyras u dzikaj pryrodzie