U Aŭstryi fiermier znajšoŭ sposab, jak abaraniać aviečak ad vaŭkoŭ. Jaho nie ŭsie acanili
U Aŭstryi fiermier razam ź inšym vynachodnikam prydumaŭ niezvyčajny sposab abarony aviečak ad napadaŭ vaŭkoŭ — śpiecyjalny «kaścium» ź mietaličnymi šypami. Ličycca, što takaja ideja moža dapamahčy vyrašyć prablemu, jakaja isnuje ŭžo tysiačy hadoŭ u aviečkahadoŭli, piša vydańnie Wochenblatt.
Aŭtaram raspracoŭki źjaŭlajecca 72‑hadovy vynachodnik, jaki pracavaŭ nad hetym prajektam šmat hadoŭ. Jahonaja zadumka zaklučajecca ŭ tym, kab zrabić aviečak mienš uraźlivymi dla drapiežnikaŭ.
Adnak u internecie takaja navinka vyklikała nieadnaznačnuju reakcyju. Častka ludziej uspryniała jaje ź cikavaściu, ale mnohija rezka raskrytykavali. Asnoŭnaja pryčyna krytyki — mahčymy škodny ŭpłyŭ na samich žyvioł. Ludzi bajacca, što taki «broniekaścium» moža pryčyniać aviečkam bol abo dyskamfort.
Zoaabarončyja arhanizacyi ŭžo adreahavali: jany patrabujuć pravieryć, ci nie škodzić hetaja raspracoŭka žyviołam. Jość navat skarhi na fiermiera i vynachodnika — ich abvinavačvajuć u mahčymym parušeńni zakonaŭ ab abaronie žyvioł. Nie vyklučajecca, što vykarystańnie takich kaściumaŭ mohuć zabaranić, kali budzie dakazana, što jany škodnyja.
Hetaja historyja znoŭ padniała šyrejšuju dyskusiju ŭ hramadstvie — jak abaranić aviečak i fiermierskija haspadarki, ale pry hetym nie škodzić dzikaj pryrodzie i zachoŭvać vaŭkoŭ.
U Aŭstryi heta asabliva aktualna, bo vaŭki znachodziacca pad achovaj zakona, i ich zabojstva biez dazvołu tam zabaroniena. U niekatorych rehijonach dazvalajecca źniščać tolki tych vaŭkoŭ, jakija ŭjaŭlajuć niepasrednuju niebiaśpieku.
Pry hetym papulacyja vaŭkoŭ u krainie ciapier chutka raście, što vyklikaje sprečki ŭ hramadstvie: jak znajści bałans pamiž intaresami fiermieraŭ i zachavańniem dzikaj pryrody.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?8
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary
A jakuju bol i dyskamfort mohuć prynieści voŭki, što rvuć aviečku na šmatki(