U Nacyjanalnym mastackim muziei zakryvajuć vystavu Šahała
21 vieraśnia ŭ Nacyjanalnym mastackim muziei adbudziecca finalny viečar vystavy Marka Šahała «Prahułka». Da jaje zakryćcia padrychtavali admysłovy art-pierformans, piša «Anłajnier».
Siem biełaruskich mastakoŭ stvorać siem sukienak-karcin, natchnionych Bełaj Razienfield — muzaj Šahała. Raboty pakažuć padčas defile pobač z karcinaj «Prahułka». Pad žyvuju muzyku mastaki niepasredna pierad hledačami naniasuć na svaje tvory apošnija štrychi.
Pačatak mierapryjemstva — a 19:00.
U Minsk «Prahułku» pryvieźli z Maskvy na časovy pakaz 8 krasavika ŭ miežach dzion Ruskaha muzieja. Hety pryjezd «Prahułki» ŭ Biełaruś źjaŭlajecca pieršym. Pavodle pieršapačatkovych płanaŭ karcina pavinna była znachodzicca ŭ Minsku da 6 lipienia, ale paśla hety termin byŭ padoŭžany da kastryčnika praz damoŭlenaści pamiž premjer-ministram Biełarusi Alaksandram Turčynym i premjer-ministram Rasii Michaiłam Mišuścinym.
Čytajcie taksama:
U fond Muzieja Marka Šahała ŭ Viciebsku ŭpieršyniu pastupili raboty Vosipa Cadkina
Karcinu Šahała vystavili na aŭkcyjon bolš čym za $4 miljony
Bramnik futbolnaha kłuba «Viciebsk» ździviŭ haradžan niezvyčajnym padabienstvam da Marka Šahała FOTA