Bramnik futbolnaha kłuba «Viciebsk» ździviŭ haradžan niezvyčajnym padabienstvam da Marka Šahała FOTA
Hałkipier futbolnaha kłuba «Viciebsk» Ivan Navičkoŭ niečakana staŭ abjektam uvahi nie tolki futbolnych zaŭziataraŭ. Padčas fotasiesii novaj formy kamandy haradžanie zaŭvažyli jahonaje dziŭnaje padabienstva z suśvietna viadomym mastakom rodam ź Viciebska Markam Šahałam, piša vydańnie «Vićbičy».
Paśla źjaŭleńnia fatahrafij futbalista ŭ sacyjalnych sietkach kamientatary pačali paraŭnoŭvać jaho z mastakom. Niekatoryja navat žartavali, što Navičkoŭ moža być dalokim svajakom Šahała abo što ŭ jaho «pierasialiłasia duša» znakamitaha ziemlaka.
Cikava, što padabienstva prajaviłasia nie tolki ŭ rysach tvaru. Ivan Navičkoŭ maje taki ž rost, jaki, pavodle ŭspaminaŭ sučaśnikaŭ, byŭ u maładoha Marka Šahała.
Kab pravieryć, nakolki mocnaje padabienstva, futbalista zaprasili ŭ Viciebski mastacki muziej, dzie ciapier ekspanujecca znakamitaja karcina Šahała «Nad horadam». Reakcyja naviedvalnikaŭ była vielmi jarkaj: mnohija nie mahli pavieryć svaim vačam, a niekatoryja prapanoŭvali zrabić Navičkova žyvym simvałam Viciebska i navat źniać jaho ŭ roli Šahała ŭ kino.
Niahledziačy na vonkavaje padabienstva, svajactva pamiž futbalistam i mastakom, praŭda, nie paćvierdziłasia. Ivan raspavioŭ, što pachodzić z samaj zvyčajnaj siamji. Futbołam jon pačaŭ zajmacca dziakujučy baćku: spačatku hulaŭ napadnikam, a paśla taho, jak mocna vyras, pierajšoŭ na pazicyju bramnika.
Navičkoŭ pačynaŭ karjeru ŭ Viciebsku, zatym vystupaŭ na pravach arendy za homielski «Łakamatyŭ» i «Smarhoń», a ciapier znoŭ hulaje za rodny kłub.
Sam futbalist spačatku nie pavieryŭ u svajo padabienstva da Šahała, ale z časam usio čaściej pačaŭ čuć heta ad navakolnych. Paśla naviedvańnia muzieja jon pryznaŭsia, što raniej mała cikaviŭsia žyvapisam, ale ciapier choča bolš daviedacca pra tvorčaść znakamitaha ziemlaka. Svajo padabienstva z mastakom Ivan acaniŭ na 7 bałaŭ z 10.
Ubačyć Navičkova ŭ składzie «Viciebska» možna budzie da kanca ciapierašniaha futbolnaha siezona. A karcina «Nad horadam» pakinie Viciebsk užo 14 vieraśnia, tamu ŭ haradžan jašče jość mahčymaść paraŭnać znakamitaje pałatno i niezvyčajna padobnaha da jaho aŭtara ziemlaka.
Vyjšła kniha pra habrejskuju historyju Viciebska
«Ci narmalna, što kvitki ciapier pradajucca pa prapiscy?»: biełaruska ździviłasia roźnicy ŭ cenach u Viciebskim muziei
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina
U Viciebsku pradali budynak byłoha chiedara, dzie vučyŭsia Mark Šahał
«Mastak rasijskaha pachodžańnia z maleńkaj vioski Viciebsk». U Rejmskim sabory pra Marka Šahała pišuć nisianiecicu
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary