Nieviadomuju publicy karcinu Mane ŭpieršyniu vystaviać na aŭkcyjon. Čakajecca rekordnaja cana

Karcinu francuzskaha mastaka Kłoda Mane «Irysy» płanujuć pradać na aŭkcyjonie Sotheby’s u Francyi 22 kastryčnika. Jaje papiarednie aceńvajuć na 22—30 miljonaŭ jeŭra, piša Bloomberg.

Fota: sothebys.com

Mane napisaŭ hetuju rabotu ŭ 1924—1925 hadach u svaim domie ŭ Žyvierni pad Paryžam. Tam ža jon stvaryŭ znakamituju sieryju karcin «Vadzianyja lilei». «Irysy» ličacca adnym z šedeŭraŭ poźniaha pieryjadu tvorčaści mastaka.

U Sotheby's adznačyli, što karcina nikoli raniej nie vystaŭlałasia na publicy. Jaje ŭładalnica Žanna Šlumbierže admaŭlałasia pieradavać tvor dla vystaŭ i zachoŭvała jaho ŭ svajoj pryvatnaj paryžskaj rezidencyi.

Dziakujučy hetamu karcina zachavałasia ŭ vydatnym stanie. Na pałatnie niama łaku, a restaŭracyju nikoli nie pravodzili, što źjaŭlajecca redkaściu dla tvora takoha ŭzroŭniu.

Košt prodažu moža dasiahnuć 30 miljonaŭ jeŭra i stać rekordnym dla Francyi. Dahetul samaja darahaja karcina Mane ź sieryi «Irysy» była pradadzienaja na łondanskim aŭkcyjonie ŭ 2015 hodzie prykładna za 13 miljonaŭ jeŭra.

Ahulny rekord cany karciny Mane składaje kala 96 miljonaŭ jeŭra. Mienavita za takuju sumu ŭ 2019 hodzie na aŭkcyjonie Sotheby's u Ńju-Jorku pradali jahonuju pracu «Stahi siena».

Kamientary da artykuła