U Minsku majstar-cyrulnik adkryŭ dabračynny katalicki barbieršop

Barbier z 7‑hadovym stažam, vypusknik Old School Barber Academy Jan Kaścianievič adradziŭ dabračynny barbieršop u katalickaj ustanovie ŭ Minsku — Chryścijanskim sacyjalnym centry pa vulicy Sierafimoviča, 19, piša Katolik.life.

Jan — adziny majstar u Biełarusi, jaki pracuje vyklučna kłasičnaj niebiaśpiečnaj brytvaj. Tajamnicy pracy jon pieraniaŭ u italjanskich metraŭ.

U svaim novym miescy pracy majstar, katalicki viernik, prymaje klijentaŭ bieź fiksavanych cen — za dobraachvotnaje achviaravańnie ŭ tym pamiery, jaki paličyć patrebnym naviedvalnik. Kali klijentu naohuł zapłacić niama čym, Jan vykanaje pracu «biaspłatna i z adkrytym sercam».

Dabračynny barbieršop nazvany ŭ honar śviatoha Marcina de Poresa — apiekuna cyrulnikaŭ i sacyjalnaj spraviadlivaści. Jak adznačaje Jan, «relihijny bekhraŭnd i sučasnaja ołdskuł-kultura vydatna suisnujuć».

U śpiektry pasłuh — mužčynskaja stryžka, madelavańnie barady, tradycyjnaje haleńnie niebiaśpiečnaj brytvaj.

Kamientary da artykuła