Dron ci balistyka? Što heta za «Pielikan», jakim siońnia ŭkraincy atakavali Maskvu
Siońnia nočču Maskva i Padmaskoŭje akazalisia pad masiravanaj atakaj ukrainskich rakiet i bieśpiłotnikaŭ. Siarod zbroi, zadziejničanaj u nalocie, Uładzimir Zialenski nazvaŭ i Pelican. U miedyja hetaja nazva raniej fihuravała dla balistyčnaj rakiety FP-7.
Prezident Ukrainy nie ŭdakładniŭ, što heta za typ ŭzbrajeńnia, adnak jak paviedamlaje «RBK-Ukraina» sa spasyłkaj na svaje krynicy, «Pielikan» — heta ŭsio ž pakul nie balistyka, a bieśpiłotnik samalotnaha typu. Inšyja źviestki pra jaho nie razhałošvajucca.
Jak paviedamili ŭ Hienštabie USU, u vyniku siońniašnich udaraŭ byli paražonyja adrazu try ŭstanoŭki Maskoŭskaha NPZ. Taksama na terytoryi zavoda ŭźnik maštabny pažar.
Ukrainskaja ataka pryviała da kałapsu ŭ maskoŭskich aeraportach.