79‑hadovy hość z Łondana źviarnuŭsia ŭ adzin z abmiennych punktaŭ horada Minska, kab abmianiać pryviezienuju z saboj valutu.
Mužčyna płanavaŭ abmianiać 5 kupiur naminałam 20 anhlijskich funtaŭ sterlinhaŭ kožnaja, adnak padčas pravierki sapraŭdnaści adnaho z hrašovych biletaŭ u kasira valutna-abmiennaha punkta ŭźnikli sumnieńni.
Milicyja kanfiskavała kupiuru i nakiravała jaje ŭ Dziaržaŭny kamitet sudovych ekśpiertyz.
Pavodle vysnovy ekśpierta, banknota vyrablena nie adpaviednym pradpryjemstvam, paviedamlaje Dziaržkamitet sudovych ekśpiertyz.
Heta paćviardžajecca inšaj kolerapieradačaj vyjaŭ, vykananych sposabam elektrafatahrafičnaha druku, a taksama imitacyjaj pałasnoj hałahramy z naniesienymi tekstam i vyjavami, vykananymi sposabam fleksahrafičnaha druku.
Heta nie pieršy vypadak vyjaŭleńnia falšyvych funtaŭ sterlinhaŭ. Raniej anałahičny vypadak z 20 funtami byŭ zafiksavany ŭ Homieli.
Kamientary