U Maładziečnie mužčyna skraŭ mašynu ŭ čužoj dziaŭčyny, kab dajechać da svajoj. Ale jeździć nie ŭmieŭ
18 vieraśnia žycharka Maładziečanskaha rajona pakinuła svoj aŭtamabil VAZ niezačynienym. Kluč pry hetym zastaŭsia ŭ zamku zapalvańnia. Heta zaŭvažyŭ raniej sudzimy 22‑hadovy mužčyna i vyrašyŭ skarystacca situacyjaj, kab dajechać na čužoj mašynie da svajoj dziaŭčyny, piša UUS Minskaha abłvykankama.
Daloka zajechać maładomu čałavieku nie ŭdałosia. Jon nie spraviŭsia z kiravańniem i sutyknuŭsia z aŭtamabilem, jaki ruchaŭsia ŭ tym ža kirunku. Akramia taho, vyśvietliłasia, što ŭhonščyk uvohule nie mieŭ prava kiravać transpartnymi srodkami.
Supracoŭniki DAI Maładziečanskaha RAUS pačali administracyjny praces, a śledčyja zaviali kryminalnuju spravu za niezakonnaje zavałodańnie transpartnym srodkam.
Čytajcie taksama:
Žančyna-kurjer viezła ź Biełarusi ŭ Rasiju ŭ maršrutcy 100 tysiač jeŭra i, naturalna, nie daviezła
Litoviec sprabavaŭ vyvieźci skradzienuju ŭ Polščy mašynu ŭ Biełaruś