U ES prakamientavali mahčymy ŭdzieł Pucina ŭ samicie G20
Rasija zastajecca členam «Hrupy dvaccaci» (G20), tamu maje prava ŭdzielničać u pasiadžeńniach hetaha abjadnańnia, u tym liku na ŭzroŭni kiraŭnikoŭ dziaržaŭ. Pra heta zajaviŭ namieśnik hałoŭnaha pradstaŭnika Jeŭrakamisii Ołaf Hił, kamientujučy zaprašeńnie Uładzimira Pucina na samit G20 u Majami.
Uładzimir Pucin. Fota: Sefa Karacan/Anadolu via Getty Images
Pa słovach Hiła, Jeŭrapiejski sajuz vykarystoŭvaje samity G20 jak placoŭku dla reakcyi na hłabalnyja vykliki, častka jakich źviazanaja z vajnoj Rasii suprać Ukrainy. Tamu prysutnaść rasijskaha kiraŭnika moža być vykarystanaja dla zakliku spynić vajnu.
Pradstaŭnik Jeŭrakamisii adznačyŭ, što z 2022 hoda ES paśladoŭna vykarystoŭvaje pasiadžeńni G20, kab asudžać poŭnamaštabnaje ŭvarvańnie Rasii va Ukrainu i zaklikać da jaho spynieńnia. Pavodle jaho, hety padychod zastaniecca niaźmiennym niezaležna ad taho, chto budzie ŭdzielničać u kankretnym samicie. Hił taksama nahadaŭ, što Rasija praciahvaje atakavać cyvilnaje nasielnictva Ukrainy.
Napiaredadni dziaržaŭny sakratar ZŠA Marka Rubia vykazaŭ spadziavańnie, što Pucin naviedaje samit kiraŭnikoŭ G20, jaki projdzie ŭ Majami ŭ śniežni. Kramloŭski pres-sakratar Dźmitryj Piaskoŭ užo kamientavaŭ amierykanskaje zaprašeńnie.
Prezident Ukrainy Uładzimir Zialenski, u svaju čarhu, zajaviŭ, što samit G20 u Majami moža stać placoŭkaj dla trochbakovaj sustrečy pradstaŭnikoŭ Ukrainy, ZŠA i Rasii.
Čytajcie taksama:
ZŠA prapanujuć try kroki dla deeskałacyi vajny va Ukrainie
Kreml: Rašeńnie pra ŭdzieł Pucina ŭ samicie G20 jašče nie pryniataje
«Na rakiecie». Zialenski rezka adkazaŭ rasijskim žurnalistam
ZŠA aficyjna zaprasili Pucina pryjechać na samit G20 u Majami
Pucin nie płanuje ŭdziełu ŭ samicie G20 u ZŠA
ES i Kanada stvarajuć novy aljans z udziełam inšych krain, ale biez ZŠA, Kitaja i Rasii