Kreml: Rašeńnie pra ŭdzieł Pucina ŭ samicie G20 jašče nie pryniataje
Pradstaŭnik Kramla Dźmitryj Piaskoŭ u čaćvier prakamientavaŭ zajavu dziaržsakratara ZŠA Marka Rubia pra toje, što Bieły dom nakiravaŭ prezidentu Rasii zaprašeńnie na śniežański samit G20.
Ci prymie Pucin zaprašeńnie, jakoje praduhledžvaje novuju sustreču z prezidentam Donaldam Trampam, jašče nie vyrašana, paviedamiŭ Piaskoŭ, piša Bi-bi-si.
«Pakul pra heta havaryć zaŭčasna, rašeńnie jašče nie pryniataje. My sapraŭdy z udziačnaściu ŭsprymajem hetaje vietlivaje zaprašeńnie. My cenim hetaje zaprašeńnie, i jano budzie prapracavanaje», — skazaŭ jon žurnalistam.
Napiaredadni dziaržaŭny sakratar ZŠA sustrakaŭsia z kiraŭnikom MZS Rasii Siarhiejem Łaŭrovym na palach Hienieralnaj asamblei AAN. Paśla sustrečy, jakaja praciahvałasia 52 chviliny, Rubia skazaŭ žurnalistam: «My zaprasili prezidenta Pucina na samit G20. My ličym, što heta mahčymaść dla jaho pahutaryć nie tolki z našym prezidentam, ale i ź inšymi suśvietnymi lidarami. My spadziajomsia, što jon prymie hetaje zaprašeńnie i što ŭ śniežni takaja sustreča adbudziecca».
Piaskoŭ zajaviŭ, što Rasija budzie ŭdzielničać u G20, jak i ŭ papiarednija hady: «Jaje [Rasii] udzieł moža być abo na vyšejšym uzroŭni, abo na bolš nizkim uzroŭni, na pracoŭnym uzroŭni. Ale ŭ kožnym vypadku Rasija maje na ŭvazie maksimalna efiektyŭna praciahvać svoj udzieł».
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy22
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary