Siłaviki pałochajuć biełarusaŭ, što ich mohuć vierbavać dla teraktaŭ

U Śledčym kamitecie paviedamili pra vypadki, kali nieviadomyja praz mesendžary źviartajucca da hramadzian Biełarusi i pad roznymi nahodami sprabujuć schilić ich da ździajśnieńnia asabliva ciažkich złačynstvaŭ.

Relejnaja šafa, padpalenaja rejkavymi partyzanami ŭ 2022 hodzie. Fota: MUS

U pryvatnaści, jak śćviardžajuć siłaviki, ludziam prapanujuć za hrošy ździajśniać terakty na čyhuncy i inšych abjektach infrastruktury. Tak zvanyja «kuratary», maŭlaŭ, šukajuć patencyjnych vykanaŭcaŭ u čatach miesiendžaraŭ i sacyjalnych sietkach. 

Śledčy kamitet pryvioŭ u jakaści prykładu sprobu zavierbavać 18‑hadovaha chłopca. Tamu ŭ telehramie nibyta napisaŭ nieviadomy i prapanavaŭ nibyta lohkuju padpracoŭku — padpalić relejnyja šafy na čyhuncy. Ale chłopiec, maŭlaŭ, na prapanovu nie pavioŭsia i adrazu paviedamiŭ pra jaje siłavikam.

Tyja ž śćviardžajuć, što majuć infarmacyju i pra inšyja nieadnarazovyja sproby zavierbavać hramadzian Biełarusi, a heta padpadaje pad artykuł 289 Kryminalnaha kodeksa Biełarusi («Akt teraryzmu»), sankcyja jakoha praduhledžvaje vyklučnuju mieru pakarańnia.

Siłaviki zapeŭnivajuć, što padazronyja hrupy buduć vyjaŭlacca jašče na stadyi farmavańnia, a padrychtoŭka terarystyčnych aktaŭ — spyniacca da ich ździajśnieńnia. U viedamstvie taksama nahadali, što pry spynieńni asabliva ciažkich złačynstvaŭ siłaviki mohuć užyvać fizičnuju siłu, śpiecyjalnyja srodki i ahniastrelnuju zbroju.

Kamientary da artykuła