Heta nie adliha, prosta voś tak pracuje kadebiscki biurakratyčny miechanizm.
Za apošnija tydni sa śpisu «terarystaŭ», jaki viadzie KDB, prybrali 12 čałaviek. Usio heta byłyja palitviaźni. Ź ich narešcie buduć źniatyja finansavyja abmiežavańni — ludzi zmohuć adkryvać bankaŭskija rachunki, kuplać i pradavać nieruchomaść, afarmlać na siabie sim-kartki.
Siarod ich Dzianis Syrec, Vital Žylinski, Jaŭhien Čumiła, Maksim Ražkoŭ, Siarhiej Kiryjenka, Alaksandr Hałuza, Mikałaj Hałaluk, Siarhiej Savič, Dźmitryj Udalejeŭ, Kirył Kuźniacoŭ, Dźmitryj Bohuš i Juryj Taškinaŭ.
Nie varta šukać u hetym niejkich palityčnych pasłableńniaŭ, nasamreč KDB prosta vykonvaje svaju ž praceduru — pavodle pastanovy, kali ŭ čałavieka pahašajecca sudzimaść pa «terarystyčnych» artykułach, to i sa śpisu jaho treba vykreślivać.
Zaraz pryjšła čarha niekatorych z palitviaźniaŭ, vyzvalenych pa pamiłavańni ŭ žniŭni i vieraśni 2024 hoda. U tych ź ich, kaho sudzili pa niaciažkich palityčnych artykułach, sudzimaść trymałasia dva hady.
Ciapier jany mohuć chacia b absłuhoŭvacca ŭ bankach.
Nahadajem, u śpis «terarystaŭ» uklučajucca ludzi, jakich aryštavali pa niekatorych z kryminalnych artykułaŭ. U pryvatnaści, heta art. 130 (Raspalvańnie varožaści), art. 293 (Masavyja biesparadki), art. 361 (Zakliki da škody nacyjanalnym intaresam Biełarusi), a taksama niekatoryja inšyja. Pryčym dla ŭklučeńnia ŭ śpis nie treba navat być asudžanym — dastatkova vystaŭlenaha abvinavačvańnia.
Na hety momant u biełaruskaj častcy śpisu «terarystaŭ» 738 čałaviek (u zamiežnaj — 736 čałaviek, tam afhancy, irakcy, paŭnočnakarejcy i inšyja pradstaŭniki terarystyčnych arhanizacyj).
Pa jakich artykułach sudzili 738 biełaruskich «terarystaŭ»? (U niekatorych ź ich abvinavačvańnie adrazu pa niekalkich «terarystyčnych artykułach»).
502 čałavieki abvinavačvalisia ŭ «raspalvańni varožaści» — faktyčna ŭ napisańni krytyčnych kamientaroŭ.
U 260 čałaviek u abvinavačvańni fihuravaŭ artykuł 361 — zakliki da dziejańniaŭ na škodu nacbiaśpiecy. Heta taksama pieravažna kamientatary.
95 čałaviek sudzili za «akt teraryzmu» (art. 289), 77 čałaviek paličyli ŭdzielnikami «masavych biesparadkaŭ» (art. 293).
-
«Łukašenku nielha nazvać navat małodšym partnioram Pucina». Kit Kiełah raskazaŭ pra rolu Łukašenki ŭ pieramovach ZŠA i Rasii
-
U Barysavie dziacieł zaniaŭsia dyzajnam fasadaŭ i nie daje žycharam zranku spać
-
«Tak zvanaja postpienitencyjarnaja adaptacyja». Departavany palitviazień Kiryła Paźniak apublikavaŭ svajo FOTA z dočkami
Kamientary
A z 2025 hoda, jak pisali, źmianiłasia zakanadaŭstva i pačali vydalać tych, chto pahasiŭ sudzimaść. To-bok, zaraz daŭno nie pieršaja partyja.
Akramia taho, isnuje śpis ekstremistaŭ MUS, jaki pracuje pa inšych praviłach.