U Homieli časova zakryjuć piešachodny most
Piešachodny most praź Lebiadzinuju sažałku ŭ Homielskim pałacava-parkavym ansambli časova zakryjuć dla naviedvalnikaŭ u suviazi z ramontam.
Fota: VKontakte
Padrychtoŭčyja raboty pačnucca 28 vieraśnia: na miesca buduć dastaŭlać materyjały, ustalujuć aharodžy i papieradžalnyja znaki. Sam most zakryjuć z 30 vieraśnia.
Na čas ramontu abyści zakryty ŭčastak možna budzie pa vulicy Praletarskaj, a taksama praz Zamkavy spusk i nabiarežnuju.
Padčas rabot śpiecyjalisty adramantujuć stojki i vadaścioki mosta, parenčavaje aharodžvańnie i ačyściać kanstrukcyi ad staroj farby. Krajnija bietonnyja apory zamieniać, astatnija ŭzmocniać, a taksama abnoviać mastavoje pałatno. Novaje pakryćcio zrobiać z draŭniny liścievych parod. Pry hetym źniešni vyhlad mosta płanujuć zachavać.
Ramont budzie pravodzicca z udziełam archieołahaŭ, pakolki padčas rabot na hetym miescy mohuć znajści novyja histaryčnyja znachodki, jakija papoŭniać archiŭ pałacava-parkavaha ansambla.
Zaviaršyć usie raboty płanujuć da 30 śniežnia.
Čytajcie taksama:
U Minsku adkryli ruch pa abnoŭlenym moście praź Śvisłač
Pad Minskam abvaliłasia častka kanstrukcyi mosta cieraź Śvisłač
U Połacku paśla rekanstrukcyi adkryli most cieraz raku Pałatu