Amal viasnovuju karcinu možna nazirać u Nabiarežnym zavułku Miadzieła. Dziŭnuju dla našych šyrot źjavu sfatahrafavała ŭ siabie ŭ dvary Kaciaryna Klimovič.
Pra pryrodu niezvyčajnaj źjavy narachanka.by spytała daśviedčanaha bijołaha Terezu Łazdoŭskuju.
— Pryčyna ćvicieńnia — rezkaja źmiena nadvorja, — kaža Tereza Valarjanaŭna. — Pamiatajecie, jakaja ŭ kancy žniŭnia stajała śpioka? A potym rezka pachaładała i na horad abrynulisia zalevy? Sprava ŭ tym, što pry vielmi vysokaj tempieratury pavietra i adsutnaści daždžoŭ dreva nibyta zamiraje, mnohija žyćciovyja pracesy ŭ im prypyniajucca. A kali tempieratura stanovicca ŭmieranaj i źjaŭlajecca dastatkova vilhaci, viehietacyja adnaŭlajecca. Voś tady sady mohuć znoŭ zakvitnieć. Asabliva čujna reahujuć na źmienu nadvorja maładyja parastki.
Ćvicieńnie pładovych dreŭ vosieńniu — źjava nie takaja ŭžo i redkaja. Praŭda, u Biełarusi jano čaściej sustrakajecca na Brestčynie, čym na poŭnačy Minskaj vobłaści.
Kamientary