Mieksikanski baksior pamior praz tydzień paśla atrymanaha padčas boju nakaŭta
26‑hadovy mieksikanski baksior Artura Tores pamior mienš čym praz tydzień paśla pajadynku z suajčyńnikam Chilbierta Harsija, u jakim jon paciarpieŭ parazu nakaŭtam u siomym raŭndzie. Boj adbyŭsia 19 vieraśnia, paviedamiła pres-słužba pramoŭtarskaj kampanii Supreme Boxing.
Artura Tores
Adrazu paśla pajadynku Toresa dastavili ŭ balnicu. U jaho vyjavili tromb u hałaŭnym mozhu, paśla čaho spartsmienu zrabili apieracyju i ŭviali jaho ŭ stan štučnaj komy.
Niahledziačy na miedycynskuju dapamohu, 25 vieraśnia baksior pamior ad atrymanych padčas boju traŭmaŭ.
Tores debiutavaŭ na prafiesijnym rynhu ŭ listapadzie 2018 hoda. Za čas karjery jon pravioŭ 22 pajadynki: atrymaŭ 15 pieramoh, paciarpieŭ šeść parazaŭ, jašče adzin boj zaviaršyŭsia ŭničyju.