U Minsku na miescy byłoha aŭtacentra Audi i Porsche buduć pradavać Geely

U kastryčniku kampanija «RK Paŭer Motars» adkryje ŭ Minsku druhi aŭtacentr. Novy «Kropka Geely» raźmieścicca ŭ budynku byłoha aŭtasałona Audi i Porsche na vulicy Siarova kala stancyi mietro «Słucki haściniec», piša Office Life.

Fota: «RK Paŭer Motars»

Pieršy aŭtacentr «Kropka» hety dyler marak Geely i Belgee adkryŭ u Minsku ŭ mai 2025 hoda kala MKAD i stancyi mietro «Malinaŭka».

U novym šourumie buduć pradstaŭlenyja ŭsie madeli Geely. Tam ža budzie pracavać servisny centr, dzie možna budzie pravieści techničnaje absłuhoŭvańnie, zrabić šynamantaž i kuzaŭny ramont.

Novy aŭtacentr u pieršuju čarhu raźličany na žycharoŭ Kurasoŭščyny, «Minsk-Śvietu» i Łošycy — ad hetych rajonaŭ da jaho možna dajechać prykładna za 10 chvilin.

Raniej paviedamlałasia, što kampanija «BiełDžy» atrymała ekskluziŭnyja pravy na tavarny znak Geely ŭ Biełarusi. Ciapier tolki jana i jaje dylerskaja sietka mohuć aficyjna vykarystoŭvać hety brend i lehalna ŭvozić u krainu aŭtamabili Geely.

Kamientary da artykuła