Belgee pakazaŭ novy X50. Ciapier heta biudžetny krasovier z atmaśfiernym ruchavikom i starym dobrym aŭtamatam
Navinka ŭsiaho na 700 rubloŭ daražejšaja za siedan S50.
Coolray 3.0
Paŭnavartasnaj navinkaj Belgee X50 nazvać składana, bo faktyčna heta ŭsio jašče daŭno viadomy biełarusam Geely Coolray, jaki paźniej pierajmienavali ŭ Belgee X50. Ciaham dvuch hadoŭ hety nievialiki parkietnik byŭ samym pradavanym novym aŭtamabilem u Biełarusi.
Paźniej u madeli vyjšaŭ pierajemnik Belgee X50+, a stary X50 u vyniku pieravydali ŭ sproščanaj viersii.
Hałoŭnaje adroźnieńnie tut u načyncy. Zamiest turbabienzinavaha ruchavika i rabatyzavanaj AKPP pad kapotam u jaho 1,5‑litrovy atmaśfierny bienzinavy ruchavik z 4 cylindrami mahutnaściu 122 k. s., jaki pracuje ŭ pary z 6‑stupieńčatym kłasičnym hidratransfarmatarnym aŭtamatam.
Takija samyja ruchaviki i AKPP staviać na siedan S50. Z pryjemnaha — ruchavik pryznačany dla pracy na 92‑m bienzinie. Vytvorca abiacaje siaredni raschod paliva ŭ źmiešanym rytmie 7,2 litra na sotniu.
Što jašče źmianiłasia?
Ale na hetym ekanomija nie skončyłasia. Zamiest lehkaspłaŭnych dyskaŭ 17‑ha dyjamietru tut ciapier R16.
U mašyny ŭsiaho dźvie paduški biaśpieki, zvyčajnyja hałahienavyja fary, navat na padśvietcy sałona dla zadnich pasažyraŭ taksama sekanomili. Abiŭka bahažnika ciapier płastykavaja.
Cana pytańnia
U vyniku takaja mašyna kaštuje 58 900 rubloŭ (kala 19 500 dalaraŭ), što ŭsiaho na 700 rubloŭ daražej, čym kaštuje siedan S50 u bazavaj kamplektacyi, jaki maje taki samy ruchavik, ale pry hetym abstalavany miechaničnaj karobkaj pieradač. Belgee S50 u kamplektacyi Comfort Plus kaštuje ŭžo ad 62 400 rubloŭ (kala 20 700 dalaraŭ). Praŭda, i kamplektacyja tam budzie bahaciejšaja.
Što da X50, to aŭtamabil budzie dastupny tolki ŭ kamplektacyi Standard.
Ale ścipłaja kamplektacyja — heta, badaj, nie asnoŭny kampramis, ź jakim treba budzie źmirycca pry kupli hetaha aŭto. Hałoŭny minus — heta dynamika razhonu i mahutnaść ruchavika jak takoha.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj27
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary