Biełaruski rynak novych lehkavych aŭtamabilaŭ u lipieni 2026 hoda znoŭ pakazaŭ značny rost paśla źnižeńnia ŭ červieni. Za miesiac u krainie było pradadziena kala 9,6 tysiačy novych mašyn — na 30% bolš, čym u červieni, i na 18,5% bolš za majski pakazčyk. Pra heta paviedamili ŭ Biełaruskaj aŭtamabilnaj asacyjacyi (BAA).
U asacyjacyi adznačyli, što lipieńskija vyniki pieravysili čakańni: paśla časovaha spadu prodažy nie tolki adnavilisia, ale i dasiahnuli najvyšejšaha miesiačnaha ŭzroŭniu ŭ 2026 hodzie.
Asnoŭnymi faktarami rostu stali aŭtamabili biełaruskaj vytvorčaści i pavieličeńnie prodažaŭ elektramabilaŭ.
Pradpryjemstva «BiełDžy» ŭ lipieni realizavała 5,3 tysiačy aŭtamabilaŭ marak Belgee i Geely, što stała novym rekordam za ŭsiu historyju prodažaŭ zavoda. Na hetyja dźvie marki prypała bolš za 55% usiaho rynku novych lehkavych aŭtamabilaŭ Biełarusi.
Druhi biełaruski vytvorca — «Junison» — pradaŭ 596 aŭtamabilaŭ, što skłała kala 6,2% rynku. U vyniku mašyny, vypuščanyja dvuma biełaruskimi aŭtazavodami, zaniali bolš za 61% lipieńskaha rynku novych aŭtamabilaŭ.
Asabliva mocna vyras siehmient elektramabilaŭ. U lipieni ŭ Biełarusi było pradadziena kala 3,5 tysiačy novych elektrakaraŭ, što na 46% bolš, čym miesiacam raniej. Ich dola na rynku skłała prykładna 36,5%. Rost tłumačać aktyŭnym impartam elektramabilaŭ i zachavańniem ilhotnych umoŭ dla ich nabyćcia.
U BAA ličać, što pa vynikach 2026 hoda biełaruski rynak novych aŭtamabilaŭ moža pieraadoleć adznaku ŭ 70 tysiač pradadzienych mašyn i ŭstanavić histaryčny rekord.
Ekśpierty adznačajuć, što rost padtrymlivajecca pašyreńniem aŭtakredytavańnia, nizkimi cenami na elektramabili i pavyšanym popytam na ich napiaredadni mahčymaha zakančeńnia lhotnych umoŭ uvozu. Pry hetym pastupova skaračajecca dola aŭtamabilaŭ, jakija ŭvoziacca z Rasii, a taksama prodažy impartnych hibrydnych madelaŭ.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Ostalnoje - "žałkoje podobije levoj ruki."