Minski aeraport zapuściŭ novy servis pa dastaŭcy bahažu
Nacyjanalny aeraport Minsk zapuskaje novy servis dastaŭki bahažu, jaki dazvolić pasažyram nie zajmacca samastojnym transpartavańniem valizak. Dastavić bahaž možna budzie ŭ luby patrebny punkt — u aeraport, na vakzał, u ofis, kvateru, hatel ci inšaje miesca.
Pavodle paviedamleńnia pres-słužby aeraporta, novaja pasłuha pavinna źniać z pasažyraŭ fizičnuju nahruzku i aščadzić ich čas. Paśla pieradačy rečaŭ u słužbu dastaŭki čałaviek zmoža adrazu nakiravacca pa asabistych abo pracoŭnych spravach, nie pieravoziačy bahaž samastojna.
Zakazać pasłuhu možna budzie praź internet abo niepasredna ŭ aeraporcie. Stojka dla pryjomu jak habarytnaha, tak i niehabarytnaha bahažu raźmieščanaja nasuprać stužki vydačy ŭ zonie prylotu sajuznych rejsaŭ, u siektarach 5—6. Pasažyraŭ mižnarodnych rejsaŭ u zonie prylotu taksama buduć sustrakać supracoŭniki servisu.
Dla pasažyraŭ, jakija vylatajuć, pieradača bahažu budzie arhanizavanaja ŭ zonie rehistracyi.
Košt dastaŭki budzie zaležać ad kolkaści miescaŭ bahažu, a taksama jaho vahi i abjomu.
Na pieršym etapie novy servis budzie pracavać u Minsku i Minskaj vobłaści.
Čytajcie taksama:
Novy rasijski pasažyrski samalot prylacieŭ u Minsk dla vyprabavańniaŭ aŭtapiłota
Minski aeraport papiaredziŭ pra deficyt parkovačnych miescaŭ
Piacihadovaje dzicia možna adpravić rejsam «Biełavija» biez darosłych