Radasłaŭ Sikorski pra adnosiny Polščy ź Biełaruśsiu: U nas lohkaja adliha
U intervju vydańnia Rzeczpospolita ź ministram zamiežnych spraŭ Polščy Radasłavam Sikorskim siarod inšych była padniataja tema mahčymaj narmalizacyi adnosin ź Biełaruśsiu.
Radasłaŭ Sikorski. Fota: AP Photo / Geert Vanden Wijngaert
«U nas jość lohkaja adliha, tamu što Biełaruś zrabiła toje, da čaho adzin za adnym zaklikali polskija ŭrady: vypuściła Andreja Pačobuta pry pasiarednictvie ZŠA, i navat dazvoliła jamu viarnucca dy vypuściła znoŭ», — skazaŭ Sikorski.
Jon dadaŭ, što «apošnim časam pierastali lotać kantrabandnyja šary», a na polska-biełaruskaj miažy spakojna, choć, na jaho dumku, heta źjaŭlajecca zasłuhaj nie Biełarusi, a vynikam taho, što Polšča vydatkavała bolš za miljard jeŭra na budaŭnictva barjera i apieracyju dla achovy miažy.
«Niekatorym u krainie zdajecca, što Polšča maje niejkich adviečnych i nazaŭždy siabroŭ i vorahaŭ, tym časam jak zamiežnaja palityka hruntujecca na tym, što my schilajem inšyja subjekty mižnarodnaha prava da pavodzin, jakija bolš adpaviadajuć našym intaresam, i kali źmianiajecca ich palityka, to my taksama možam źmianić palityku, — kazaŭ kiraŭnik polskaha MZS.
U našych intaresach, kab Biełaruś zachavała dziaržaŭnuju asobnaść ad Rasii», — padkreśliŭ jon.
Sikorski adznačyŭ, što jość roźnica pamiž tym, kab być partnioram Rasii, i tym, kab być jaje častkaj.
Taksama jon skazaŭ, što ŭžo 30 hadoŭ «usio idzie da taho», kab Rasija pavialičyła svaju terytoryju za košt Biełarusi.
«Pytańnie ŭ tym, kab hetaha nie adbyłosia», — adznačyŭ polski ministr.
Čytajcie taksama:
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie
Babaryka padziakavaŭ Sikorskamu za sustreču z Ryžankovym u Ńju-Jorku