Pasolstva Francyi pakazała svaju novuju časovuju pavieranuju ŭ Biełarusi
Pasolstva Francyi ŭ Biełarusi pakazała novuju časovuju pavieranuju ŭ spravach Liz Talbo Bare, jakaja ŭznačaliła francuzskuju dypłamatyčnuju misiju ŭ Minsku, zaŭvažyła vydańnie Reform.news.
Fota: by.diplomatie.gouv.fr
Liz Talbo Bare skončyła Paryžski instytut palityčnych daśledavańniaŭ i maje stupień bakałaŭra prykładnych zamiežnych moŭ Univiersiteta Portsmuta. Jana taksama źjaŭlajecca kavaleram Nacyjanalnaha ordena «Za zasłuhi».
U Ministerstvie Jeŭropy i zamiežnych spraŭ Francyi Talbo Bare zajmała roznyja pasady ŭ Francyi i za miažoj. U tym liku ŭ 2011—2014 hadach jana pracavała ŭ pasolstvie Francyi ŭ Minsku spačatku daradcaj pa pytańniach supracoŭnictva i kultury, a zatym pieršaj daradcaj.
Paźniej jana ŭznačalvała roznyja padraździaleńni francuzskaha źniešniepalityčnaha viedamstva, a taksama była hienieralnym konsułam u Pandyšery ŭ Indyi. U 2024—2026 hadach Talbo Bare zajmała pasadu daradcy pa pytańniach supracoŭnictva i kultury ŭ pasolstvie Francyi ŭ Banhkoku.
Jaje papiarednik Ludovik Ruaje zaviaršyŭ čatyrochhadovuju dypłamatyčnuju misiju ŭ Biełarusi.
Čytajcie taksama:
Novy kiraŭnik brytanskaj dypłamatyčnaj misii ŭžo viedaje dva biełaruskija słovy
Alejnik abmierkavaŭ z časovym pavieranym Francyi pierśpiektyvy dyjałohu z Paryžam