Biełarusa abrali ŭ Radu Mižnarodnaj fiederacyi chakieja
Biełarus Siarhiej Hančaroŭ, jaki sioleta pretendavaŭ na pasadu kiraŭnika Mižnarodnaj fiederacyi chakieja (IICHF), abrany ŭ Radu hetaj arhanizacyi. Jaho kandydaturu padtrymali ŭdzielniki hałasavańnia na paŭhadavym kanhresie IICHF, paviedamlaje Hockey.by.
Siarhiej Hančaroŭ
Dla Hančarova heta nie pieršy dośvied pracy ŭ strukturach IICHF. U 2016—2021 hadach jon byŭ členam Rady i ŭznačalvaŭ Sudziejski kamitet fiederacyi. Da hetaha, z 2008 pa 2016 hod, Hančaroŭ uvachodziŭ u Kamitet pa praviadzieńni spabornictvaŭ. U 2021 hodzie jon taksama vyłučaŭsia na pasadu prezidenta IICHF.
U Fiederacyi chakieja Biełarusi Hančaroŭ pracavaŭ hienieralnym sakratarom i namieśnikam staršyni.
Paśla abrańnia Hančarova Biełaruś atrymała svajho pradstaŭnika ŭ Radzie IICHF — kiraŭničym orhanie mižnarodnaj fiederacyi, jaki prymaje asnoŭnyja rašeńni, źviazanyja z raźvićciom suśvietnaha chakieja. Miž tym biełaruskija kamandy ad udziełu ŭ mižnarodnych spabornictvach pad ehidaj IICHF z 2022 hoda adchilenyja.
Čytajcie taksama:
Abrany novy staršynia Mižnarodnaj fiederacyi chakieju. Siarod pretendentaŭ byŭ biełarus
Siezon u NCHŁ pačnuć piaciora biełaruskich chakieistaŭ
19 biełarusaŭ voźmie ŭdzieł u łahierach NCHŁ
Dźmitryj Baskaŭ uznačaliŭ naziralnuju radu chakiejnaha kłuba «Dynama-Minsk»