Usie astatnija, što brali ŭdzieł u trenirovačnych łahierach, adpraŭlenyja ŭ farm-kłuby.
Siońnia startuje 109‑y siezon u najmacniejšaj chakiejnaj lizie śvietu — zaakijanskaj Nacyjanalnaj chakiejnaj lizie.
Vynikaje, što siezon pačnuć u joj piaciora biełarusaŭ. Usie jany hulali ŭ NCHŁ u minułym hodzie. Usie jany pa stanie na ranicu aŭtorka ŭniesienyja ŭ startavyja składy svaich kłubaŭ.
Heta Alaksiej i Illa Protasy («Vašynhton Kepitałz»), Illa Sałaŭjoŭ («Pitsburh Pinhvinz»), Jahor Šaranhovič («Kałhary Fłejmz»), Arciom Leŭšunoŭ («Čykaha»).
Abaronca «Ńju-Džersi» Uładzisłaŭ Kalačonak i hałkipier «Vankuviera» Mikita Tałapiła niekalki dzion tamu byli vystaŭlenyja na draft admovaŭ svaimi kłubami, ich nichto nie zabraŭ ź inšych kłubaŭ, tamu jany adpraŭlajucca ŭ farm-kłuby ŭ ACHŁ (Amierykanskuju chakiejnuju lihu): «Jutyku» i «Abatsford». ACHŁ — heta druhaja pa značnaści chakiejnaja liha ŭ Paŭnočnaj Amierycy.
Hałkipier Alaksiej Kołasaŭ, što ŭ minułym siezonie zhulaŭ niekalki matčaŭ za «Fiładelfiju», adpraŭleny ŭ ACHŁ u «Lichaj».
Vital Pinčuk, Vadzim Maroz, Jahor Borykaŭ, jakija zaklučyli kantrakty z kłubami NCHŁ uviesnu, u vieraśni nie zmahli adabracca praz trenirovačnyja łahiery i taksama spačatku adpraŭlajucca ŭ ACHŁ: Pinčuk u «Miłuoki» (farm «Nešviła»), Maroz i Borykaŭ u «Tuson» (farm «Juty»). Forvard Andrej Łaško tak i nie zdoleŭ prabicca ŭ asnoŭny skład «Sietła» i budzie hulać u «Kaačele» ŭ ACHŁ.
Maćviej Nikanovič, Daniła Rusakovič, Jarasłaŭ Bryzhałaŭ byli ŭletku abranyja na drafcie i taksama pačnuć karjeru z farm-kłubaŭ.
Adnak, varta padkreślić, što biełarusaŭ mohuć vyklikać u NCHŁ z farm-kłubaŭ u luby momant.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary