U Vilni pastaviać pamiatnuju šyldu na mahile byłoha sakratara Vilenskaj biełaruskaj himnazii

3 kastryčnika ŭ 10:00 Biełaruski pravasłaŭny prychod u Vilni zaprašaje dałučycca da ŭparadkavańnia mahiły Uładzimira Łukaševiča na Śviata-Jeŭfrasińnieŭskich mohiłkach.

U 1924—1926 hadach Łukaševič vykładaŭ u Vilenskaj biełaruskaj himnazii Zakon Božy, paźniej byŭ jaje sakratarom. U archiŭnych dakumientach jon taksama zhadvajecca jak pamočnik kłasnaha kiraŭnika i siabra Baćkoŭskaha kamiteta. Jaho dačka Raisa była žonkaj biełaruskaha hramadskaha i palityčnaha dziejača Leanida Halaka.

Mahiłu ŭdałosia adšukać dziakujučy daśledčyku Uładzisłavu Harbackamu. Staraja šylda ścierłasia nastolki, što nadpisy ŭžo niemahčyma pračytać.

Padčas akcyi pastaviać novuju pamiatnuju šyldu, papraviać i pafarbujuć kryž. Miesca pachavańnia aśviecić śviatar Hieorhij Roj.

Mierapryjemstva adbudziecca 3 kastryčnika ŭ 10:00 na Śviata-Jeŭfrasińnieŭskich mohiłkach (Liepkalnio g. 19) u Vilni, pa hetaj hieałakacyi.

Kamientary da artykuła