Kaleśnikava: Adkrytaść Jeŭropy dla Biełarusi i biełarusaŭ, a nie dla režymu, zdolnaja źmienšyć upłyŭ Rasii
U intervju DW Maryja Kaleśnikava abvierhła śćviardžeńni, što jana stała miakčej stavicca da režymu Alaksandra Łukašenki, usio čaściej kažučy pra nieabchodnaść dyjałohu. Aktyvistka ličyć, što efiektyŭnaść dypłamatyi paćviardžaje jaje ŭłasnaja historyja.
Fota: LookByMedia
«My zaraz tut z vami razmaŭlajem tamu, što jakraz dypłamatyja była zadziejničana jak instrumient upłyvu, jak instrumient dasiahnieńnia peŭnych metaŭ», — skazała Maryja Kaleśnikava, padkreśliŭšy, što hady źniavoleńnia nie źmianili jaje staŭleńnie da sistemy.
«Kali my ŭžo bačym, što amierykanski trek ź pieramovami spracavaŭ, značyć, hetym treba karystacca», — adznačyła Kaleśnikava.
«Adkrytaść Jeŭropy dla Biełarusi i biełarusaŭ, a nie dla režymu, zdolnaja źmienšyć śfieru ŭpłyvu Rasii ŭ krainie», — adznačyła Kaleśnikava, nazvaŭšy heta metaj architektury jeŭrapiejskaj biaśpieki.
Aktyvistka zaklikała Jeŭrapiejski Sajuz uziać prykład z madeli ZŠA, asobna zhadaŭšy niadaŭnija pieramovy ministra zamiežnych spraŭ Polščy Radasłava Sikorskaha z kiraŭnikom MZS Biełarusi Maksimam Ryžankovym, jakija adbylisia ŭ Ńju-Jorku na palach 81‑j siesii Hienieralnaj Asamblei AAN. Paśla sustrečy Sikorski siarod inšaha zajaviŭ, što Varšava rychtujecca adkryć novy budynak svajho pasolstva ŭ Minsku.
Čytajcie taksama:
Kaleśnikava: Stratehija, jakaja była na praciahu šaści hadoŭ, vidavočna nie pracuje
Kraŭcoŭ rasčaravany, što biełarusy zabyli Kaleśnikavu. «A jana stanovicca ledź nie tvaram №1»
Kaleśnikava: Kali ludzi nie mohuć pajechać u Jeŭropu, jany jeduć u Rasiju