U Biełarusi možna zrabić biaspłatnuju acenku kvatery praz anłajn-servis
U Biełarusi možna biaspłatna praź internet acanić rynkavy košt kvatery. Pra heta paviedamili ŭ Dziaržaŭnym kamitecie pa majomaści.
Zdymak ilustracyjny. Fota z sacyjalnych sietak
Dla hetaha vykarystoŭvajecca anłajn-kalkulatar Nacyjanalnaha kadastravaha ahienctva. Jon za niekalki siekundaŭ raźličvaje aryjencirovačny rynkavy košt kvater u Minsku i abłasnych centrach. Dla acenki treba ŭvieści adras žylla, kolkaść pakojaŭ, płošču i typ azdableńnia.
Pry raźliku servis vykarystoŭvaje danyja bolš čym pra 175 tysiač realnych ździełak z kvaterami, sabranych u rejestry cen z 2018 hoda. Madel uličvaje bolš za 15 faktaraŭ, siarod jakich miescaznachodžańnie kvatery, pavierch, materyjał ścien, hod uvodu doma ŭ ekspłuatacyju, dastupnaść hramadskaha transpartu i mietro, mikrarajon i inšyja charaktarystyki.
Pavodle infarmacyi Dziaržkammajomaści, chibnaść aŭtamatyčnaj acenki składaje kala 5—7%. Siaredniaja absalutnaja pracentnaja pamyłka dasiahaje 5,59% dla Minska i 6,53% dla abłasnych centraŭ. Madel navučanaja na danych realnych ździełak i pratestavanaja ŭ adpaviednaści ź mižnarodnymi standartami acenki.
Kab atrymać jak maha bolš dakładny vynik, nieabchodna paznačać realnyja charaktarystyki kvatery. Servis dazvalaje rabić da 10 zapytaŭ u dzień.
Čytajcie taksama:
«Čakajem svaje kvatery ŭžo šosty hod». Dolščyki minskaha ŽK Smart zapisali videazvarot da Łukašenki
Jak na ŭskrainie Minska budujecca kvartał panelnych taŭnchausaŭ FOTY
Łukašenka zhadaŭ biełarusku, jakaja naradziła trojniu i atrymała kvateru