U Šviejcaryi adkryjuć abnoŭleny pomnik Tadevušu Kaściušku
17 kastryčnika ŭ 13:00 u Stadtpark u šviejcarskim horadzie Zołaturn adbudziecca ŭračystaje adkryćcio abnoŭlenaha pomnika Tadevušu Kaściušku. Cyrymonija projdzie pa-biełarusku, paśla jaje ŭdzielniki naviedajuć raźmieščany pobač Muziej Kaściuški, piša Biełaruski instytut publičnaj historyi.
Pomnik Tadevušu Kaściušku ŭ Zołaturnie. Fota: Wikimedia Commons
Pomnik byŭ ustalavany ŭ 2017 hodzie da 200‑hodździa śmierci Kaściuški ź inicyjatyvy Alesia Sapiehi, zasnavalnika i tahačasnaha kiraŭnika Biełaruskaha abjadnańnia ŭ Šviejcaryi.
Sioleta inicyjatyva Maldzis razam z Fondam Maryi Mahdaleny Radzivił, jaki ŭznačalvaje Sapieha, abnavili pomnik: źjavilisia padmurak ź biełaruskaha vałuna, novaja miemaryjalnaja šylda i brukavanka vakoł jaho. Kamień apracavali, a šyldu vyrabili ŭ Minsku, paśla čaho materyjały dastavili ŭ Šviejcaryju. Prajekt realizavany na pryvatnyja srodki Maksima Bahracova, Filipa Dajneki i miecenatki, jakaja pažadała zastacca niepubličnaj.
Mienavita ŭ Zołaturnie Kaściuška pravioŭ apošnija hady žyćcia i pamior 15 kastryčnika 1817 hoda.
Čytajcie taksama:
U Šviejcaryi abnavili miemaryjał Tadevuša Kaściuški
U Kaściuškavie źnikła šylda ŭ pamiać pra Tadevuša Kaściušku
Dzie lažyć vykupleny Statut VKL? Pavieł Macukievič — pra toje, što biełarusy musiać sabie viarnuć