Sud pačaŭ likvidacyju viełašerynhu Kolobike
Ekanamičny sud Minska 22 vieraśnia raspačaŭ praceduru bankructva TAA «Kołabajk» — jurydyčnaj asoby, jakaja stajała za niekali papularnym servisam viełašerynhu Kolobike, piša Office Life.
Fota ilustracyjnaje
Zajavu ŭ sud padaŭ likvidatar kampanii. Ahulnaja suma kredytorskaj zapazyčanaści «Kołabajka» składaje 4,4 miljona rubloŭ, u toj čas jak košt usich aktyvaŭ, jakija zastalisia ŭ kampanii, aceńvajecca ŭsiaho ŭ 9875 rubloŭ.
Pakolki majomaści kampanii vidavočna niedastatkova dla pahašeńnia daŭhoŭ, sud pastanaviŭ adkryć u dačynieńni da jaje konkursnuju vytvorčaść. Vyniki pracedury płanujecca razhledzieć na sudovym pasiadžeńni 14 studzienia 2027 hoda.
Pavodle sudovaha vyznačeńnia, ciapier adzinym udzielnikam TAA «Kołabajk» źjaŭlajecca Pavieł Snapkoŭ. Pieršapačatkova prajekt naležaŭ biznesmienam Vadzimu Asipčyku i Valeryju Šamryłavu.
U kancy 2025 hoda stała viadoma, što Kolobike raspradavaŭ svaje rovary. U kampanii tady tłumačyli heta mahčymaj rearhanizacyjaj abo zakryćciom servisu.
Pradstaŭnik kampanii adznačaŭ, što rynak servisaŭ šerynhu istotna źmianiŭsia z 2019 hoda, kali Kolobike pačaŭ pracavać. Pastupova elektrasamakaty stali vyciaśniać rovary, i ŭ vyniku za apošni siezon finansavyja pakazčyki «Kołabajka» značna pahoršylisia.
Čytajcie taksama:
Servis Kolobike pačaŭ raspradavać svaje rovary. Kampaniju čakaje rearhanizacyja ci likvidacyja
U Minsku źjaviŭsia novy servis prakatu samakataŭ. Kolki kaštuje?
U Hrodnie całkam admovilisia ad prakatnych samakataŭ i rovaraŭ. Nibyta pa prośbie žycharoŭ