U Minsku ŭžo pačali pradavać navahodnija jalinki

Na «Ekspabiele» ŭ Minsku ŭžo pačali pradavać štučnyja jalinki da Novaha hoda. Na rynku pakul pradstaŭlenyja tolki niekalki vidaŭ dreŭ, ale pradaŭcy kažuć, što asartymient płanujuć papoŭnić novymi madelami, piša pristalica.by.

Fota: pristalica.by

U čatyroch handlovych punktach žurnalisty ŭbačyli, jak pradaŭcy dastavali jalinki z karobak, źbirali ich i raspraŭlali hustyja halinki, kab pakazać kupcam. Tańniejšych madelaŭ z PVCH-plonki ŭ prodažy nie było — prapanoŭvalisia pieravažna bolš jakasnyja lityja jalinki.

Fota: pristalica.by

Kłasičnaja štučnaja jalinka vyšynioj 80 santymietraŭ kaštuje 150 rubloŭ. Mietrovyja madeli pradajuć pa 150—210 rubloŭ, vyšynioj 1,3 mietra — ad 200 rubloŭ, 1,6 mietra — ad 300 rubloŭ, 1,9 mietra — ad 400 rubloŭ, a 2, 2‑mietrovaje dreva kaštuje 500 rubloŭ. Samaja vysokaja i darahaja z tych, što byli ŭ prodažy, — trochmietrovaja vahoj 50 kiłahramaŭ za 2500 rubloŭ.

Fota: pristalica.by

Jalinki z efiektam šeraniu kaštujuć na 15—150 rubloŭ daražej za zvyčajnyja. Napyleńnie byvaje roznym: ad lohkaha, jakoje tolki źlohku pakryvaje halinki, da hustoha imitavańnia sapraŭdnaha śniehu. Zaraz možna nabyć takuju jalinku vyšynioj 80 santymietraŭ za 165 rubloŭ, mietrovuju — za 250 rubloŭ, a vyšynioj 1,6 mietra — za 450 rubloŭ.

Fota: pristalica.by

Navahodniaha dekoru dla doma i vulicy pakul nie vielmi šmat, ale niekatory vybar užo jość. Jołačnaja stužka daŭžynioj 2,7 mietra kaštuje 65 rubloŭ, bolš pyšnaja z šeraniem i šyškami — kala 200 rubloŭ. Dekaratyŭnyja halinki pradajuć pa 15—20 rubloŭ, a vianki na dźviery kaštujuć ad 40 da 100 rubloŭ.

Fota: pristalica.by

Kamientary da artykuła