«Alternatyva dla Hiermanii» ŭ novaabranym łandtahu Saksonii-Anchalt adrazu ž zapatrabavała spynić padtrymku Ukrainy i admianić sankcyi suprać Rasii
U ziamielnym parłamiencie Saksonii-Anchalt partyi «Alternatyva dla Hiermanii» (AdH) i «Sajuz Sary Vahienkniecht» (BSW) prapanavali spynić vajskovuju i finansavuju dapamohu Ukrainie, a taksama admianić sankcyi suprać Rasii, piša Deutsche Welle.
Sustaršynia «Alternatyvy dla Hiermanii» Cina Chrupała, lidar AdH u ziamli Saksonii-Anchalt Ulrych Zihmund i sustaršynia AdH Alisa Vajdel. Fota: AP Photo/Ebrahim Noroozi
Adrazu paśla ŭstanoŭčaha pasiadžeńnia novaha łandtaha ŭ Mahdeburhu dźvie partyi ŭnieśli sumiesnuju prapanovu.
Jany zaklikajuć parłamient zajavić, što palityka sankcyj suprać Rasii, pastaŭki zbroi i finansavaja padtrymka Ukrainy nibyta nie dali vyniku. Zamiest hetaha prapanujecca pierajści da mirnych pieramoŭ. U dakumiencie taksama źmiaščajecca patrabavańnie nieadkładna admianić ekanamičnyja sankcyi suprać Rasii.
Pry hetym ziamielnyja ŭłady Hiermanii nie majuć paŭnamoctvaŭ samastojna vyznačać źniešniuju abo enierhietyčnuju palityku krainy. Adnak AdH i BSW raźličvajuć vykarystać svaju bolšaść u łandtahu Saksonii-Anchalt, kab akazvać palityčny cisk na fiederalny ŭrad u Bierlinie.
Sara Vahienkniecht zajaviła, što heta, pavodle jaje słoŭ, pieršy vypadak, kali niamiecki parłamient vyrazna vystupiŭ suprać palityki fiederalnaha ŭrada ŭ dačynieńni da Ukrainy i za mirnyja pieramovy. Jana zaklikała da dyjałohu z Maskvoj zamiest eskałacyi.
Vahienkniecht i sustaršynia AdH Alisa Vajdel taksama raskrytykavali fiederalnaha kanclera Frydrycha Mierca za jahony niadaŭni vizit u Kijeŭ i novyja finansavyja abiacańni Ukrainie. Jany ličać, što hetyja hrošy lepš było b vydatkavać u samoj Hiermanii.
Śpiecyjalnaje pasiadžeńnie łandtaha Saksonii-Anchalt dla abmierkavańnia hetaj prapanovy zapłanavana na 14 kastryčnika.
Čytajcie taksama:
U Jeŭropie ŭžo dumajuć, jak buduć žyć bieź Mierca na čale Hiermanii