Vynieśli prysud vinavatym u śmierci ŭ Mjanmie biełaruski Viery Kraŭcovaj

U Mjanmie sud vynies prysud pa spravie ab hibieli 26‑hadovaj biełaruski Viery Kraŭcovaj. Piaciora hramadzian Mjanmy atrymali pa 21 hodu pazbaŭleńnia voli za handal ludźmi, zaŭvažyła Reform.news.

Viera Kraŭcova

Abvinavačanych pryznali vinavatymi pavodle artykułaŭ 38(a) i 44 mjanmanskaha zakona ab supraćdziejańni handlu ludźmi. Prysud byŭ vyniesieny 1 kastryčnika sudom rajona Minhaładon u Janhonie.

Jak paviedamlajecca, ordary na aryšt taksama vydali jašče na traich hramadzian Mjanmy i dvaich hramadzian Tadžykistana, jakich padazrajuć u datyčnaści da spravy Kraŭcovaj.

Viera Kraŭcova prylacieła z Banhkoka ŭ Janhon 20 vieraśnia 2025 hoda. 4 kastryčnika jana pierastała vychodzić na suviaź ź siamjoj u Biełarusi. Pavodle paviedamleńniaŭ ŚMI, dziaŭčynu prymusili pracavać u Mjanmie ŭ skam-centry i ŭdzielničać u tak zvanych «ramantyčnych afierach», kali z dapamohaj falšyvych adnosin u ludziej vymańvajuć hrošy. Dakładnaja data jaje śmierci dahetul nie ŭstanoŭlenaja.

Raniej paviedamlałasia, što svajakam Kraŭcovaj nieviadomyja ludzi dasyłali paviedamleńni z patrabavańniem vykupu ŭ 500 tysiač dalaraŭ. Paźniej siamji paviedamili, što cieła dziaŭčyny kremiravali, a jaje orhany nibyta byli pradadzienyja.

U lipieni 2025 hoda ŭ Mjanmie pryniali zakon ab baraćbie z anłajn-machlarstvam. Za prymus da pracy, katavańni i ŭdzieł u dziejnaści kibiermachlarskich centraŭ jon praduhledžvaje pakarańnie až da śmiarotnaj kary abo pažyćciovaha źniavoleńnia.

Kamientary da artykuła