Biełaruska, vyzvalenaja sa skam-centra ŭ Mjanmie: Navat kali źbiažyš, nieviadoma, kamu zvanić, tam usio karumpavana
Biełaruska (jaje asoba nie raskryvajecca), jakaja trapiła ŭ rabstva ŭ skam-centr u Mjanmie, raskazała ANT, čamu adtul składana źbiehčy.
Dziaŭčyna nie raz jeździła na pracu ŭ Aziju. Voś i ŭ apošni raz u Tajłand jaje zaprasiŭ nibyta pravierany ahient. Dziaŭčynie prapanavali pracavać tvaram — uśmichacca inviestaram na sustrečach, kab tyja pahadžalisia ŭkładać hrošy ŭ prajekty. Ale nasamreč vyvieźli ŭ Mjanmu.
Jana raskazvaje, što na terytoryi skam-centra (kompleksy, dzie ludziej utrymlivajuć siłaj i prymušajuć zajmacca anłajn-machlarstvam) paŭsiul pasty achovy i mužčyny sa zbrojaj. Ludziej, jakich tam trymajuć, mohuć zabić ci pradać na orhany
«Chłopcaŭ viešali, voś tak voś ruki źvierchu, jany visieli sutki tam. Ich tam mahli pieryjadyčna źbivać. Mačycca, usio astatniaje — nu, jak chočaš», — raskazvaje dziaŭčyna.
Jana dadaje, što navat kali ŭdasca źbiehčy, to nieviadoma, da kaho źviartacca pa dapamohu, kamu zvanić, bo ŭsio karumpavana i miascovyja žychary mohuć ciabie zdać.
Dziaŭčynu zmahli vyzvalić sa skam-centra z dapamohaj biełaruskich dypłamataŭ. Vierahodna, heta jaje ŭ sakaviku 2024 hoda viarnuli dadomu.
Što sa źnikłaj u Mjanmie Vieraj Kraŭcovaj, aficyjna dahetul nieviadoma. Krynica rasijskaha telekanała «Rien TV» paviedamlała, što dziaŭčynu znajšli miortvaj.
Dźvie trahiedyi ŭ adnoj siamji. Rodnaja babula i susiedzi pra źnikłuju ŭ Mjanmie Vieru Kraŭcovu i niaščaście, što zdaryłasia čatyry hady tamu
«Praź lasy i abychodnymi šlachami, nibyta ŭ rabstva». Siabroŭka zahinułaj u Mjanmie Viery pakazała pra apošniaje paviedamleńnie ad jaje
Skam-fabryki ŭ Mjanmie — što heta i jak pracujuć. Na adnu z takich, vierahodna, vyvieźli i biełarusku Vieru
Što viadoma pra 26‑hadovuju biełarusku Vieru, jakuju pradali na orhany ŭ Mjanmu
Kamientary