«My papiaredžvali»: Premjer Čarnahoryi prakamientavaŭ zatrymańnie kiraŭnika kanała «Rybar»
«Čarnahoryja abaraniaje svaje intaresy, i nichto nie pastavić pad pahrozu našu jeŭrapiejskuju budučyniu», — skazaŭ Miłojka Spaič.
Michaił Źvinčuk
Premjer-ministr Čarnahoryi Miłojka Spaič prakamientavaŭ zatrymańnie kiraŭnika «Rybara» Michaiła Źvinčuka i jaho kamandy.
«My papiaredžvali, što sproby hibrydnaha ŭmiašańnia i destabilizacyi Čarnahoryi nie spyniajucca i supravadžajuć naš jeŭrapiejski šlach», — zajaviŭ Spaič.
Pavodle słoŭ premjera, ciapier nie čas dla paśpiešlivych zajavaŭ, adnak jość surjoznyja padstavy, jakija patrabujuć pilnaj pravierki. Jon padkreśliŭ, što ŭłady nie buduć raskryvać padrabiaznaści, jakija pavinny zastavacca ŭ kampietencyi śpiecsłužbaŭ.
«Dziaržaŭnyja instytuty vykonvajuć svaju pracu, Čarnahoryja abaraniaje svaje intaresy, i nichto nie pastavić pad pahrozu našu jeŭrapiejskuju budučyniu», — dadaŭ premjer.
Michaiła Źvinčuka razam ź niekalkimi jaho supracoŭnikami zatrymali ranicaj 9 kastryčnika ŭ horadzie Rysan. Siarod zatrymanych — žonka i paplečnica Michaiła Źvinčuka Valeryja.
Apieracyju pa zatrymańni praviała čarnahorskaja palicyja ŭ supracoŭnictvie z Ahienctvam nacyjanalnaj biaśpieki krainy.
Čytajcie taksama:
U Čarnahoryi zatrymali stvaralnika Z-kanała «Rybar» Michaiła Źvinčuka