U Čarnahoryi zatrymali stvaralnika Z-kanała «Rybar» Michaiła Źvinčuka
Siarod zatrymanych — žonka i paplečnica Michaiła Źvinčuka Valeryja Źvinčuk, a taksama jašče troje čałaviek.
Michaiła Źvinčuka razam ź niekalkimi jaho supracoŭnikami zatrymali ranicaj 9 kastryčnika ŭ horadzie Rysan, pišuć čarnahorskija vydańni Vijesti i Pobjeda.
Siarod zatrymanych — žonka i paplečnica Michaiła Źvinčuka Valeryja Źvinčuk, a taksama jašče troje čałaviek.
Apieracyju pa zatrymańni praviała čarnahorskaja palicyja ŭ supracoŭnictvie z Ahienctvam nacyjanalnaj biaśpieki krainy. Jana nakiravanaja na «spynieńnie hibrydnaj dziejnaści» padryŭnoj sietki kanałaŭ, jakuju źviazvajuć raźviedupraŭleńniem Minabarony Rasii.
Michaił Źvinčuk — były supracoŭnik pres-słužby Ministerstva abarony Rasii. Telehram-kanał «Rybar» (ciapier u jaho bolš za 1,5 miljona padpisčykaŭ) jon stvaryŭ razam z kaleham Dzianisam Ščukinym.
Vydańnie The Bell pisała, što ŭ finansavańni telehram-kanała ŭdzielničaŭ zasnavalnik PVK «Vahnier» Jaŭhien Pryhožyn.
«Rybaŕ» dy anałahičnyja kanały stali instrumientami manipulacyi hramadskaj śviadomaściu, raspalvańnia nianaviści da Ukrainy i jeŭrapiejskich krain i padrychtoŭki hramadskaj dumki da vajny.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Samaje niepryjemnaje, što proźvišča ŭkrainskaje.
Mankurt typovy. Zdradziŭ svajmu narodu, svaim prodkam i staŭ absłuhoŭvać akupantaŭ.
Heta vialikaja prablema: etničnyja Ŭkraincy-mankurty, jakija słužać rasiejskaj imperyi.
Jość i dobryja prykłady rasiejcaŭ z ukrainskimi karaniami, jakija suprać vajny - salist hurta Nohu śvieło, Dudź, advakat Novikaŭ. Jakija za Ukrainu i suprać vajny.
Vialikaja prablema, što na zachoplenych terytoryjach Rasieja imhnienna pačynaje pracu pa rusifikacyi nasielnictva, abałvańvańniu rasiejskaj prapahandaj i vyroščvańniu z maładych ukraincaŭ mankurtaŭ.
Potym chłopcaŭ - mankurtaŭ zabirajuć u rasiejskuju armiju i jany vajujuć suprać ŭłasnaha ŭkrainskaha naroda.
U Danieckaj i Łuhanskaj abłaściach u 2022 hodzie takaja armija DNR-ŁNR naličvała 20-30 tysiač čałaviek. Heta žach.