Pałac Horvataŭ u Naroŭli praciahvaje adnaŭlacca. Dach całkam adrestaŭravany

Dniami na atyku pastavili stračanuju balustradu — dach całkam adrestaŭravany. Pa abodvuch bakach budynka adbudoŭvajuć hanki zamiest avaryjnych. Akonnyja prajomy sutareńniaŭ taksama pierakładajucca i tynkujucca, piša vydańnie «Mocnyja naviny».

Praŭda, nie abychodzicca i biez składanaściaŭ. Na 2026 hod, naprykład, płanavali całkam atynkavać ścieny i pravieści kamunikacyi. Ale sutyknulisia ź ćvillu, solami i hrybkami ŭ cehle, avaryjnym stanam hankaŭ.

Što da kamunikacyj — pa prajekcie na šlachu apynuŭsia staražytny dub, jaki nielha čapać, tamu prajekt treba raspracoŭvać nanova. Ale kamanda nie składaje ruk i pracuje, ździŭlajučy i haściej, i naraŭlancaŭ.

Jak źmianiŭsia Pałac za čas adnaŭleńnia, pakazaŭ uładalnik abjekta i kiraŭnik prajekta Piatro Kuźniacoŭ — u miežach navukova-praktyčnaj kanfierencyi Nacyjanalnaj akademii navuk Biełarusi, pryśviečanaj historyi i kulturnaj spadčynie Naraŭlanščyny. Jaje praviali 8‑9 kastryčnika.

Suarhanizataram mierapryjemstva staŭ Naraŭlanski rajvykankam. Z pryvitalnym słovam vystupiŭ kiraŭnik rajvykankama Dzianis Jadčanka, z dakładami na plenery — dyrektar Instytuta historyi NAN Vadzim Łakiza, viadučy navukovy supracoŭnik Aleh Dziarnovič, rektar Minskaj duchoŭnaj sieminaryi archimandryt Afanasij i inšyja.

Pałacu Horvataŭ było pryśviečana dźvie siesii: vyjaznoje pasiadžeńnie pa temie «Restaŭracyja Naraŭlanskaha pałaca: aktualnyja stadyi i pierśpiektyŭnyja raboty» pravieŭ Piatro Kuźniacoŭ, a na nastupny dzień dyrektar TAA «ProkPrajekt» Siarhiej Kasabucki vystupiŭ pa temie «Restaŭracyja Naraŭlanskaha pałaca: asnoŭnyja prajektnyja rašeńni».

Kamientary da artykuła