U naraŭlanskim pałacy Horvataŭ całkam hatovy novy dach. Ciapier budynak uratavany
Takoj navinoj padzialiŭsia ŭłaśnik pałaca Piatro Kuźniacoŭ, jaki kiruje adnaŭlenčymi pracami ŭ Naroŭli, piša vydańnie «Mocnyja naviny».
Pałac Horvataŭ u Naroŭli staŭ pryvatnaj ułasnaściu ŭ 2020 hodzie. Na toj momant jon znachodziŭsia ŭ śpisie abjektaŭ historyka-kulturnaj spadčyny, jakija chutka ryzykujuć źniknuć z karty Biełarusi. Budynak vykupili za 53 tysiačy rubloŭ, kab uratavać ad razbureńnia. Dla hetaha treba było nanava adbudavać dach, bo stary całkam razburyŭsia i bolš nie abaraniaŭ pałac ad apadkaŭ.
Z 2020 pa 2024 hod vialisia raboty pa rasčystcy budynka ad razburanych pierakryćciaŭ, śmiećcia i raślinnaści. Adnačasova viałasia praca nad stvareńniem prajekta restaŭracyi i jaho ŭzhadnieńnia z usimi nieabchodnymi instancyjami.
Budavać novy dach pačali ŭ 2024 hodzie, prykładna za hod da skančeńnia terminu vykanańnia ŭmoŭ damovy kupli-prodažu pałaca. U listapadzie damovu praciahnuli jašče na 3 hady.
Učora narešcie stała viadoma, što novy dach na 100% skončany. Heta značyć, što budynak uratavany. Tym nie mienš, napieradzie jašče šmat pracy, a padtrymka prajekta ŭsio jašče vielmi aktualnaja.
«Chočacca, kab my žyli nie z nula». Uładalnik siadziby Horvataŭ raskazaŭ pra restaŭracyju, zachavanyja kaštoŭnaści i «Biełuju pani Naroŭli»
Jak ciapier vyhladaje pałac Horvataŭ u Naroŭli, jaki restaŭrujuć entuzijasty FOTY
Stała viadoma, na jakim etapie ciapier restaŭracyja pałaca Horvataŭ u Naroŭli
U znakamitaj altanki ŭ Naroŭli adšukaŭsia staražytny pratatyp
«Nichto ničoha nie kinuŭ i nie źbirajecca». Jak iduć spravy na rekanstrukcyi pałaca Horvataŭ u Naroŭli
Kamientary
Darobiać fasad i ŭnutranku, i adrazu ž znojducca jakija-niebudź finansavyja parušeńni, kab adcisnuć čarhovuju, daviedzienuju da ładu siadzibu.
Viedajem - prachodzili ŭžo ni raz.
Smotria kakaja poddieržka. Odno dieło vłožiťsia v obŝiestvo, kotoroje budiet potom połučať pribyl i vypłačivať dividiendy v sootvietstvii so vłožiennymi dieńhami, a druhoje dieło podariť babki vładielcam dvorca, kotoryje potom jedinolično budut połučať pribyl