Majku Majkła Džordana pradali na aŭkcyjonie za rekordnyja 14 miljonaŭ dalaraŭ

Hulniavaja majka lehiendarnaha baskietbalista Majkła Džordana, u jakoj jon vystupaŭ u finalnaj sieryi NBA 1998 hoda, była pradadzienaja na aŭkcyjonie za rekordnyja 14 miljonaŭ dalaraŭ. Pra heta paviedamiła pres-słužba Nacyjanalnaj baskietbolnaj asacyjacyi.

Majkł Džordan. Fota: Getty Image

Čyrvonuju majku z aŭtohrafam Džordana baskietbalist nadzieŭ 5 červienia 1998 hoda ŭ druhim matčy finalnaj sieryi płej-of suprać «Juty Džaz». Tady jon nabraŭ 37 ačkoŭ i dapamoh «Čykaha Bułz» pieramahčy ź likam 93:88.

Pa vynikach sieryi «Čykaha» vyjhraŭ z ahulnym likam 4:2, a Džordan zavajavaŭ svoj šosty čempijonski tytuł u składzie «Bułz».

Suma 14 miljonaŭ dalaraŭ stała rekordnaj dla kalekcyjnych pradmietaŭ, źviazanych z baskietbołam. Heta taksama druhaja pa košcie spartyŭnaja majka, kali-niebudź pradadzienaja na aŭkcyjonie. Rekord naležyć formie amierykanskaha biejsbalista Bejba Ruta, jakuju ŭ 2024 hodzie pradali za 24,12 miljona dalaraŭ.

Majka Džordana ź finału 1998 hoda pradajecca za sumu nie mienš za 10 miljonaŭ dalaraŭ užo prynamsi treci raz. U 2022 hodzie majku ź pieršaha matča finalnaj sieryi pradali prykładna za 10,1 miljona dalaraŭ, a ŭ vieraśni 2026 hoda majka z treciaha matča pajšła z aŭkcyjonu prykładna za 12,3 miljona.

Kamientary da artykuła