Na aŭkcyjonie ŭ Francyi była pradadzienaja škarpetka, jakuju Majkł Džeksan nasiŭ padčas kancerta ŭ Nicy ŭ 1997 hodzie ŭ ramkach jahonaha suśvietnaha tura HIStory.
Hetaja škarpetka, azdoblenaja kryštalikami i dobra bačnaja padčas «miesiačnaj pachodki» pad pieśni Billie Jean i Beat It, pradałasia za 6200 jeŭra. Jaje znajšoŭ adzin z pracaŭnikoŭ sceny paśla kancerta na stadyjonie «Šarl Erman».
Spačatku, kali reč sprabavali pradać 21 lipienia, jaje nichto nie kupiŭ z-za słaboj rekłamy. Ale paśla źjavilisia achvotnyja, i 30 lipienia škarpetku znoŭ vystavili na aŭkcyjon, pačaŭšy z 2500 jeŭra.
Heta nie pieršy vypadak, kali rečy Majkła Džeksana pradajucca za vialikija hrošy: u Paryžy niekalki hadoŭ tamu jahony kapialuš, u jakim śpiavak upieršyniu pakazaŭ «miesiačnuju pachodku» ŭ 1983 hodzie, byŭ pradadzieny za bolš jak 77 tysiač jeŭra. U Łondanie jahonaja skuranaja kurtka z rekłamy Pepsi pajšła z małatka za 250 tysiač funtaŭ. A ŭ Techasie jahonaja znakamitaja biełaja palčatka z kryštalikami Swarovski była pradadzienaja za 104 tysiačy dołaraŭ.
Hetyja rečy stali simvałami tvorčaści Džeksana i majuć vialikuju kaštoŭnaść dla jahonych prychilnikaŭ.
Samaja darahaja sumačka ŭ śviecie. Sumku dla Džejn Birkin pradali za rekordnyja $10 miljonaŭ
Chto taki Džejsan Deruła, jakoha premjer Turčyn vadziŭ pa Domie ŭrada
U ZŠA znajšli 12 kasiet ź niavydadzienymi zapisami Majkła Džeksana
Pamior brat Majkła Džeksana, udzielnik hurta Jackson 5
Parašenka pierabłytaŭ amierykanskaha palityka Majka Džonsana sa śpievakom Majkłam Džeksanam
Ciapier čytajuć
Aryna Sabalenka vyjšła da minčukoŭ u atačeńni vaśmi achoŭnikaŭ VIDEA22
Kamientary