«A-100» pryviazała ceny na aŭtamabilnych myjniach da taho, jakoje nadvorje
Sietka AZS «A-100» u Minsku ŭviała dynamičnaje cenaŭtvareńnie na aŭtamabilnych myjniach. Ciapier košt pasłuhi na rabatyzavanych myjniach zaležyć ad nadvorja, paviedamiła kampanija vydańniu Office Life.
Fota: Office Life
Novaja sistema analizuje vierahodnaść daždžu i śniehu ŭ roznych rajonach Minska i aŭtamatyčna źmianiaje taryfy. Tamu adna i taja ž prahrama myćcia moža kaštavać pa-roznamu ŭ zaležnaści ad rajona i prahnozu apadkaŭ.
Kali nadvorje paharšajecca, ałharytm źnižaje košt myćcia. U kampanii tłumačać, što takim čynam chočuć padzialić z klijentami ryzyki, źviazanyja z nadvorjem, i prapanavać im bolš vyhadnyja ceny ŭ pachmurnyja dni.
Padobny pryncyp dynamičnaha cenaŭtvareńnia ŭžo vykarystoŭvajecca ŭ słužbach taksi, avijakampanijach i hatelach, dzie košt pasłuh zaležyć ad popytu. Adnak dla biełaruskaha rynku aŭtamabilnych myjniaŭ heta novy padychod.
Akramia taho, kampanija raspracavała novy dadatak «Dziakuj» u Telegram. Ź jaho dapamohaj možna apłacić rabatyzavanuju myjniu sa smartfona, nie vychodziačy z aŭtamabila. Dla hetaha dastatkova vybrać patrebnuju prahramu myćcia.
Čytajcie taksama:
La MKAD adkryli bujny chab dla zaradki elektramabilaŭ
Zapraŭki chacieli, kab u ich kramach admianili dziaržaŭnaje rehulavańnie cen. Im adkazali
Kiroŭca vypadkova zapraviŭ poŭny bak, a ciapier choča viarnuć svaje hrošy. Ci maje jon racyju?
Na zapraŭcy pad Minskam kavu nalivaje robat-barysta. Nakolki heta zručna?